جامبىل وبلىسى مەركى اۋدانىندا 12–17 جاس ارالىعىنداعى 22 جاس سپورتشى اۋداندىق اۋرۋحاناعا ءتۇستى، دەپ حابارلايدى اqshamnews.kz ءتىلشىسى.
وبلىس اكىمدىگىنىڭ باسپا ءسوز قىزمەتى ۇسىنعان رەسمي اقپاراتقا سايكەس، وقيعا 2026 جىلعى 21 قاڭتار كۇنى كەشكى ساعات 22:40 شاماسىندا تىركەلگەن. «تۇران» دەمالىس ورنىنان قىزىلوردا وبلىسىنان كۇرەس تۇرىنەن وقۋ-جاتتىعۋ جيىنىنا كەلگەن كامەلەتكە تولماعان جاسوسپىرىمدەر مەركى اۋداندىق كوپبەيىندى ورتالىق اۋرۋحاناسىنا جەتكىزىلگەن. الدىن الا دياگنوز - ەتيولوگياسى انىقتالماعان گاستروەنتەريت.
وقيعانىڭ ناقتى سەبەبىن انىقتاۋ ءۇشىن ماماندار بالالار ورنالاسقان ورتالىقتاعى تاماق ونىمدەرىنە ساراپتاما جۇرگىزگەن. قورىتىندىسى ازىرگە دايىن ەمەس.
اكىمدىك مالىمەتىنشە، بۇل دەرەكتى مەركى اۋدانىنىڭ پوليسياسى تىركەگەن. تەكسەرۋ ناتيجەسىنە قاراي ءتيىستى پروسەستىك شەشىم قابىلدانادى.
سونداي-اق وبلىس اكىمى ەربول قاراشوكەيەۆتىڭ تاپسىرماسىمەن وقيعا ورنىنا وبلىس اكىمىنىڭ ورىنباسارلارى ايجان ەسماعامبەتوۆا مەن سەرىك سالەموۆ بارىپ، جەدەل شتاب وتىرىسىن وتكىزگەن.
رەسمي دەرەككە سۇيەنسەك، «تۇران» دەمالىس ورنىندا بارلىعى 103 جاس سپورتشى جانە 13 جاتتىقتىرۋشى قونىستانعان. اۋرۋحاناعا جۇگىنگەندەردىڭ جاعدايى جەڭىل دارەجەدە، دەنساۋلىعى تۇراقتى، دارىگەرلەردىڭ باقىلاۋىندا.