تۇريكيانىڭ قازاقستان رەسپۋبليكاسىنداعى ەلشىلىگى قازاق حالقىمەن تىلەكتەستىك نيەتىن ءبىلدىرىپ، نۇر-سۇلتان قالاسىنداعى عيماراتىنا ىلىنگەن مەملەكەتتىك تۋدى تومەن ءتۇسىردى، دەپ حابارلايدى Almaty-akshamy.kz.
بۇل تۋرالى ەلشىلىكتىڭ Facebook-تەگى پاراقشاسىندا جاريالاندى.
«قازاقستاندا جاريالانعان ۇلتتىق ازا تۇتۋ كۇنىنە بايلانىستى باۋىرلاس قازاق حالقىمەن تىلەكتەستىك نيەتىندە ەلشىلىگىمىزدەگى تۋىمىزدى جارتىلاي تومەن تۇسىردىك. وسى ورايدا، جارىلىستاردان قازا تاپقاندارعا تاعى دا اللادان راقىم، جارالانعانداردىڭ دا تەزىرەك ساۋىعىپ كەتۋىن تىلەيمىز»، - دەپ جازىلعان Facebook-تەگى مالىمەتتە.
ەسكە سالا كەتسەك، جامبىل وبلىسى بايزاق اۋدانىنداعى ادام ولىمىنە اكەپ سوقتىرعان قايعىلى وقيعاعا بايلانىستى ق ر پرەزيدەنتى قاسىم-جومارت توقايەۆ 29 تامىزدى جالپىۇلتتىق ازا تۇتۋ كۇنى دەپ جاريالاعان بولاتىن.