2025 جىلعى 12 قاراشا كۇنى قونايەۆ قالالىق مادەنيەت ۇيىندە الماتى وبلىسى بويىنشا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ حالىققا قىزمەت كورسەتۋ ورتالىقتارىنىڭ 20 جىلدىق مەرەيتويىنا ارنالعان سالتاناتتى جيىن ءوتتى، - دەپ حابارلايدى Aqshamnews.kz.
بۇل اتاۋلى كۇن – مەملەكەتتىك قىزمەت سالاسىن ارتتىرۋ، حالىقتىڭ ءومىرىن جەڭىلدەتۋ جولىندا ايانباي ەڭبەك ەتىپ كەلە جاتقان حالىققا قىزمەت كورسەتۋ ورتالىقتارى قىزمەتكەرلەرى ءۇشىن ەرەكشە مەرەكە.
سالتاناتتى جيىنعا مەملەكەتتىك كورپوراسيانىڭ باسقارما مۇشەسى، مەملەكەتتىك ورگانداردىڭ وكىلدەرى، سالا ارداگەرلەرى، كورپوراسيا قىزمەتكەرلەرى جانە سەرىكتەس ۇيىمداردىڭ وكىلدەرى قاتىستى.
مەرەيتوي بارىسىندا ازاماتتارعا ساپالى، ءارى قولجەتىمدى قىزمەت كورسەتۋدى قامتاماسىز ەتىپ كەلە جاتقان حالىققا قىزمەت كورسەتۋ ورتالىقتارىنىڭ 20 جىل ىشىندەگى جەتىستىكتەرى مەن دامۋ كەزەڭدەرى اتاپ ءوتىلدى.
ەل سەنىمىن اقتاپ، ادال قىزمەت ەتكەن، كورپوراسيانىڭ العاشقى كۇنىنەن باستاپ بىرگە كەلە جاتقان ازاماتتار مەن ارداگەر تۇلعالارعا ەرەكشە ىقىلاس ءبىلدىرىلدى. ەڭبەگى ەلەنگەن قىزمەتكەرلەرگە قۇرمەت گراموتالارى مەن توسبەلگىلەر تابىستالىپ، العىس حاتتارمەن ماراپاتتالدى.
مەرەيتويلىق شارادا قاتىسۋشىلار وتكەن جىلدارداعى جەتىستىكتەرگە كوز جۇگىرتىپ، حالىققا ساپالى قىزمەت كورسەتۋدىڭ جاڭا كەزەڭىنە قادام باسقانىن اتاپ ءوتتى.
ايتا كەتۋ كەرەك، وسىدان جيىرما جىل بۇرىن 5 قىزمەت ءتۇرىن كورسەتۋدەن باستاعان حالىققا قىزمەت كورسەتۋ ورتالىقتارى، قازىرگى تاڭدا تۇرعىندارعا 1300 دەن استام قىزمەت ءتۇرىن ۇسىنىپ وتىر.
«ءبىزدىڭ باستى ماقساتىمىز – حالىققا ساپالى، ءادىل، ءارى قولجەتىمدى قىزمەت كورسەتۋ. بۇل 20 جىل – قاجىرلى ەڭبەكتىڭ، جاۋاپكەرشىلىك پەن ادالدىقتىڭ تاريحى»، - دەدى الماتى وبلىسى بويىنشا فيليال ديرەكتورى تالعات بەكتۇرسىن ۇلى ءوز سوزىندە.
مەرەكەلىك ءىس – شارا كونسەرتتىك باعدارلاماعا ۇلاسىپ، جىلى لەبىزدەر مەن شىنايى ريزاشىلىققا تولى ساتتەرمەن اياقتالدى.