دەمالىس كۇندەرى ۆەلوسپورت اۋەسقويلارى مەن ارداگەرلەرى ءداستۇرلى Giro d’Almaty-2025 شوسسەلىك جارىسىنا جينالدى، دەپ حابارلايدى aqshamnews.kz
ءىس-شارانى الماتى قالاسى جاتتىقتىرۋشىلار قاۋىمداستىعى ۇيىمداستىرعان.
ءىس-شارانى الماتى قالاسى جاتتىقتىرۋشىلار قاۋىمداستىعى ۇيىمداستىرعان.
«الماتىلىقتاردان بولەك، جارىسقا استانا، كوكشەتاۋ جانە ەلىمىزدىڭ باسقا دا قالالارىنان كەلگەن سپورتشىلار قاتىستى. بۇكىل مارشرۋت سپورت الەمى مەن تابيعات اياسىنداعى ۇمىتىلماس ساياحاتقا اينالدى. ءاربىر قاتىسۋشى ادرەنالين مەن شابىت سەزىندى»، – دەدى الماتى قالاسى سپورت فەدەراسياسىنىڭ پرەزيدەنتى باحتيار مامىروۆ.جارىس ەكى كەزەڭنەن تۇردى. ءبىرىنشى كۇنى، سەنبىدە قاتىسۋشىلار مەدەۋ اۋدانىنداعى يادرولىق فيزيكا ينستيتۋتىنان باستاپ بيىك تاۋداعى «مەدەۋ» مۇز ايدىنىندا مارەگە جەتتى. ەرلەر 63 شاقىرىم، ايەلدەر 35 شاقىرىم قاشىقتىقتى ەڭسەردى.
بۇگىنگى، ەكىنشى كۇنى جارىس Royal Tulip Almaty قوناق ۇيىنەن باستالىپ، مارەسى تاعى دا «مەدەۋ» سپورت كەشەنىندە ءوتتى. تاۋلى كەزەڭنىڭ ۇزىندىعى 9 شاقىرىم بولدى.
جەڭىمپازدار ەكى كۇندىك ناتيجەلەر بويىنشا انىقتالدى. جارىسقا 18 جاستان اسقان سپورتشىلار قاتىستى.
«جەڭىسكە دەگەن جىگەرى ءۇشىن» نوميناسياسىمەن جەڭىسكۇل وسپانوۆا ماراپاتتالدى.
جاس ەرەكشەلىگى بويىنشا جەڭىمپازدار:• 18-29 جاس: يسلام وسمانوۆ.
• 30-39 جاس: ارسەنيي نيكيتين جانە اناستاسيا ەۆتۋشەنكو.
• 40-49 جاس: ۆاديم ەجاكوۆ جانە ەكاتەرينا شاتنايا.
• 50-59 جاس: تالعات امىربەكوۆ جانە اسەل ساكەنوۆا.
• 60+: الەكسەي ابرامەنكو.
ايەلدەر اراسىندا كەيبىر جاس ساناتتارىندا قاتىسۋشىلار بولمادى.Giro d’Almaty-2025 جارىسىنىڭ ءابسوليۋتتى چەمپيوندارى – اناستاسيا ۆولچانسكايا مەن ەۆگەنيي سلادكوۆ.
الماتىلىق اناستاسيا ەۆتۋشەنكو جەتىستىك سىرىن ايتتى:
– مەن ەكىنشى جىل قاتارىنان كاسىبي جاتتىقتىرۋشىمەن بىرگە Sundaybike اۋەسقويلار كومانداسىندا جاتتىعامىن. نەگىزگى ەرەجە – كۇشتى دۇرىس ءبولۋ. باستاپقىدا تىم جىلدام ەمەس، بىرتىندەپ قارقىن قوسۋ كەرەك. ءار جارىستا ۋاقىتىمدى جاقسارتۋعا تىرىسامىن، – دەدى اناستاسيا ەۆتۋشەنكو.
ءوز جاس ساناتىنىڭ جەڭىمپازى، حالىقارالىق دارەجەدەگى سپورت شەبەرى الەكسەي ابرامەنكو 67 جاستا بولسا دا، سالاۋاتتى ءومىر سالتىن بەلسەندى ناسيحاتتاپ ءجۇر.
– ادامنىڭ جاسى جوعارى دەڭگەيدە سپورتپەن اينالىسۋعا كەدەرگى ەمەس. بارشاڭىزدى بەلسەندى ءومىر سالتىن ۇستانۋعا شاقىرامىن. قوزعالىس – بۇل ءومىر، – دەدى ول.
كورەرمەندەردىڭ ەرەكشە نازارىنا 79 جاستاعى قاتىسۋشى جەڭىسگۇل وسپانوۆا يە بولدى. ول ءوز ۇلگىسىمەن رۋحتىڭ مىقتىلىعىن جانە جەڭىسكە دەگەن جىگەرىن كورسەتتى. تاباندىلىعى مەن شابىت بەرگەنى ءۇشىن وعان ارنايى سىيلىق تابىس ەتىلدى.
قاتىسۋشىلاردىڭ ايتۋىنشا، جاقسى ۇيىمداستىرىلعان Giro d’Almaty-2025 ۆەلوجارىسى جوعارى دەڭگەيدە ءوتتى.