سەنات دەپۋتاتتارى ونىڭ كانديداتۋراسىن قولدادى.
پرەزيدەنت قاسىم-جومارت توقايەۆ ۇلتتىق بانك ءتوراعاسى قىزمەتىنە «قازاتومونەركاسىپ» ۇلتتىق اتوم كومپانياسىنىڭ ەكس-باسقارما ءتوراعاسى عالىمجان ءپىرماتوۆتى ۇسىندى، وعان سەنات دەپۋتاتتارى كەلىسىم بەردى. بۇل تۋرالى بۇگىن جوعارعى پالاتا وتىرىسىندا بەلگىلى بولدى، دەپ حابارلادى Almaty-akshamy.kz Inbusiness.kz cىلتەمە جاساپ.
جيىندا پرەزيدەنت اكىمشىلىگى باسشىسىنىڭ ءبىرىنشى ورىنباسارى تيمۋر سۇلەيمەنوۆ ءپىرماتوۆتىڭ ءدال ءقازىر «وميكرون» شتامىمەن سىرقاتتانىپ جاتقانىن، سوندىقتان ءوزى كەلىپ قاتىسا الماعانىن مالىمدەدى.
«ساۋىققاننان كەيىن، دەپۋتاتتار الدىنا كەلىپ، ۇلتتىق بانكتى دامىتۋ تۋرالى جوسپارىن تانىستىرۋدى تاپسىرامىز»، - دەدى ول.
عالىمجان ءپىرماتوۆ 1972 جىلى دۇنيەگە كەلگەن، قازاقستان رەسپۋبليكاسىنىڭ ازاماتى.
ول نوۆوسيبيرسك مەملەكەتتىك ۋنيۆەرسيتەتىنىڭ، قازاقستان ەكونوميكا جانە بولجاۋ مەنەدجمەنتى ينستيتۋتىنىڭ، Atkinson Graduate School of Management، Willamette University جانە INSEAD تۇلەگى. ءار جىلدارى «التىن-تاس» بك قارجى ديرەكتورى، AIG Silk Road Capital Management كومپانياسىنىڭ ينۆەستيسيالار جونىندەگى ديرەكتورى قىزمەتىن اتقارعان.
2005-2007 جىلدارى عالىمجان ءپىرماتوۆ «ۇلتتىق بانك» اق ينۆەستيسيالىق بانكينگ دەپارتامەنتىنىڭ ديرەكتورى بولعان.
2007-2009 جىلدارى قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ۆيسە-مينيسترى.
2009-2011 جىلدارى «قازاتومونەركاسىپ» ۇاك» اق ەكونوميكا جانە قارجى جونىندەگى ۆيسە-پرەزيدەنتى، جانە 2011-2015 جىلدارى Cameco Kazakhstan كومپانياسىنىڭ پرەزيدەنتى قىزمەتتەرىن اتقاردى.
2015-2017 جىلدارى ۇلتتىق بانكى ءتوراعاسىنىڭ ورىنباسارى بولعان. 2017 جىلدىڭ تامىز ايىنان-2021 جىلدىڭ تامىزىنا دەيىن «قازاتومونەركاسىپ» ۇاك» اق باسقارما ءتوراعاسى بولعان.