ەڭ ۇزدىك زاڭگەرلەردەن تەگىن كەڭەس الىڭىز

الماتىدا «حالىق زاڭگەرى» جالپىرەسپۋبليكالىق اكسياسى وتەدى

26 مامىر كۇنى جەرگىلىكتى ۋاقىتپەن ساعات 17:00-دە الماتى قالاسىندا «حالىق زاڭگەرى» جالپىرەسپۋبليكالىق اكسياسى باستالادى.

اكسيانىڭ ماقساتى – حالىقتىڭ قۇقىقتىق ساۋاتتىلىعىن ارتتىرۋ جانە تەگىن زاڭ كومەگىن كورسەتۋ. كەز كەلگەن ازامات ەلىمىزدىڭ زاڭ قوعامداستىعىنداعى ەڭ ۇزدىك وكىلدەردەن تەگىن قاجەتتى كونسۋلتاسيا الا الادى. ولاردىڭ اراسىندا بەلگىلى ادۆوكاتتار، نوتاريۋستار، پروكۋرورلار، تەرگەۋشىلەر، سوت ورىنداۋشىلارى، مەملەكەتتىك ورگانداردىڭ باسشىلارى جانە باسقالارى بار.

اكسيانى ۇيىمداستىرۋشىلار – ق ر سىبايلاس جەمقورلىققا قارسى ءىس-قيمىل اگەنتتىگى، zakon.kz جەلىلىك باسىلىمى، «پاراگراف» اقپاراتتىق جۇيەسى، مەملەكەتتىك بيلىك ورگاندارى جانە قازاقستاننىڭ ۇزدىك زاڭگەرلەرى مەن ادۆوكاتتارى.

قازىرگى تاڭدا «حالىق زاڭگەرى» اكسياسىن وتكىزۋ داستۇرگە اينالدى جانە قاراپايىم قازاقستاندىقتار العىسىن بىلدىرۋدە. 2016-2022 جىلدار ارالىعىندا اكسيا اياسىندا 150 000-نان استام ادام كونسۋلتاسيا الدى.

وتكىزىلەتىن ورنى: الماتى قالاسى، دوستىق 85ا داڭعىلى، «Caspian University».