قارجى مينيسترلىگىنىڭ مالىمەتىنشە، مەملەكەتتىك بيۋدجەتتىڭ كىرىسى 17،3 ترلن تەڭگەگە جەتكەن، - دەپ حابارلايدى aqshamnews.kz.
2025 جىلدىڭ 9 ايىنىڭ قورىتىندىسى بويىنشا مەملەكەتتىك بيۋدجەتتىڭ كىرىسى 17،3 ترلن تەڭگەنى نەمەسە جوسپارعا سايكەس 102 پايىز بولدى. بۇل تۋرالى ۇكىمەت وتىرىسىندا قارجى ءمينيسترى ءمادي تاكييەۆ مالىمدەدى.
ول بىلتىرعا قاراعاندا ءوسۋ قارقىنى 116 پايىزعا نەمەسە 2،4 ترلن تەڭگە بولعانىن اتاپ ءوتتى. رەسپۋبليكالىق بيۋدجەتكە 10،5 ترلن تەڭگە ءتۇستى. جوسپار 97،3 پايىزعا ورىندالدى. بۇل وتكەن جىلمەن سالىستىرعاندا 116% نەمەسە 1،4 ترلن تەڭگەگە كوپ.
"جەرگىلىكتى بيۋدجەتتەرگە سىرتقى فاكتورلارعا تاۋەلسىز سالىقتار تۇسەدى، بۇل 6،8 ترلن تەڭگە بولعان تۇراقتى ءوسىمدى كورسەتەدى. جوسپار 704،4 ملرد تەڭگەگە اسىرا ورىندالدى"، - دەدى ءمادي تاكييەۆ.