ەلىمىزدە ەڭ جوعارى جالاقى قاي قالادا تولەنەدى؟

الماتى قالاسىندا ورتاشا جالاقى كولەمى 20%-عا جوعارى

بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى اكىمىنىڭ ورىنباسارى ءىلياس وسەروۆ ايتتى، دەپ حابارلايدى Almaty-akshamy.kz 

الماتى اكىمىنىڭ ورىنباسارى 11 اي ىشىندە قالانىڭ ەكونوميكالىق كورسەتكىشتەرى قالاي وزگەرگەنىن بايانداپ بەردى. 

«الماتى - رەسپۋبليكالىق بيۋدجەتتىڭ دونورى. ول ۇزاق ۋاقىت بويى رەسپۋبليكانىڭ باسقا وڭىرلەرى اراسىندا جەتەكشى ورىنعا يە. قالانىڭ ءجىو ەلدىڭ ءجىو-نىڭ بەسىنشى بولىگىن قۇرايدى (1ء-شى جارتىجىلدىقتا - 105،5%، ق ر بويىنشا - 102،4%). مەملەكەتتىك بيۋدجەتكە سالىقتىق تۇسىمدەر ەل بويىنشا بارلىق تۇسىمدەردىڭ تورتتەن ءبىرىن قۇرايدى»، - دەيدى ءىلياس وسەروۆ.

وتكەن جىلى كارانتين مەن لوكداۋننىڭ ەنگىزىلۋىنە بايلانىستى بيزنەسكە سالىق تولەۋ مەرزىمى كەيىنگە قالدىرىلعانى اتاپ ءوتىلدى. جەرگىلىكتى بيۋدجەتكە شاعىن جانە ورتا بيزنەس سۋبەكتىلەرىنەن كورپوراتيۆتىك تابىس سالىعى بەرىلدى، سونداي-اق رەسپۋبليكالىق بيۋدجەتتەن جەرگىلىكتى بيۋدجەتتىڭ شىعىندارى 64،4 ملرد تەڭگە كولەمىندە وتەلدى.

ءىلياس وسەروۆتىڭ ايتۋىنشا، بيىل سالىق تۇسىمدەرىنىڭ ءوسۋ قارقىنى جوعارى.

«11 ايدىڭ قورىتىندىسى بويىنشا، ءبىز، وتكەن جىلدىڭ سايكەس كەزەڭىمەن سالىستىرعاندا، سالىق تۇسىمدەرىنىڭ 28،7%-عا ءوسۋىن بايقاپ وتىرمىز»، - دەيدى اكىمنىڭ ورىنباسارى.

وسىلايشا، سالىقتار ساۋدا-ساتتىق - 144%، بايلانىس - 161%، قارجى جانە ساقتاندىرۋ - 137%، كاسىبي، عىلىمي جانە تەحنيكالىق قىزمەت - 121%، قۇرىلىس - 120% سالالارىندا ايتارلىقتاي ءوستى.

بۇل رەتتە، ستاتيستيكالىق مالىمەتتەرگە سايكەس، وسى جىلدىڭ 3-توقسانىندا، وتكەن جىلدىڭ ءتيىستى كەزەڭىمەن سالىستىرعاندا، جالاقى 20،1%-عا ءوستى. وسىلايشا، قالا بويىنشا ورتاشا ايلىق جالاقى رەسپۋبليكالىق دەڭگەيدەن 16،4%-عا جوعارى بولىپ، 283 700 تەڭگەنى قۇرايدى. ايتا كەتسەك، قازاقستان بويىنشا ورتاشا جالاقى - 243 667 تەڭگە.