بىلتىر دا اسكەري شەرۋ وتپەگەن بولاتىن.
2024 جىلى قازاقستاندا 7 جانە 9 مامىردا اسكەري شەرۋلەر وتكىزىلمەيدى، دەپ حابارلايدى Almaty-akshamy.kz قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
اتالعان ۆەدومستۆو بۇل شەشىمنىڭ سەبەبىن ءتۇسىندىردى.
"بيۋدجەت قارجىسىن ۇنەمدەۋ ماقساتىندا، سونداي-اق باسقا دا مىندەتتەردى شەشۋ قاجەتتىلىگىنە بايلانىستى 2024 جىلى قازاقستاندا اسكەري پاراد وتكىزۋ جوسپارلانىپ وتىرعان جوق"، دەگەن اقپارات تاراتتى بۇگىن قورعانىس مينيسترلىگى.
قم باسپا ءسوز قىزمەتىنىڭ ايتۋىنشا، قازاقستان قارۋلى كۇشتەرى بولىمشەلەرىنىڭ جاۋىنگەرلىك ازىرلىگى مەن ۇتقىرلىعىنىڭ تالاپ ەتىلەتىن دەڭگەيىن ۇستاپ تۇرۋ شەرۋ وتكىزۋگە قاراعاندا باسىم ماڭىزدىققا يە.