بيۋدجەت تاپشىلىعى مەن دەپوزيتتەر ماسەلەسى:
«بىزدە بيۋدجەتتىڭ تاپشىلىعى قانشا؟ 5 ترلن تەڭگە مە؟ اقشانى باسقا جاقتان دا تابۋعا بولادى. بىزدە سالىق رەتىندە تازا پايدانىڭ 20 پايىزىن ۇستايدى. نەگە دەپوزيتتەن تاپقان پايدانىڭ 20 پايىزىن المايدى؟ الەم بويىنشا دەپوزيتتەن سالىق الادى. ال ءبىزدىڭ دەپوزيتتەر وتە ۇلكەن پايىزدار بەرەدى»، دەپ تۇسىندىرەدى سىرىمبەك تاۋ بيزنەسمەن.
وتباسى بانكىندەگى دەپوزيت:
وسى تۇستا ول «وتباسى بانكىندەگى» دەپوزيتكە تيىسپەۋ كەرەك دەگەن پىكىردە. بۇل دەپوزيت حالىقتىڭ الەۋمەتتىك جاعدايىن قولداۋعا باعىتتالعان جانە ونىڭ ۇستىنەن سالىق سالىنباۋى ءتيىس دەپ سانايدى.
دەپوزيتتەردىڭ كولەمى مەن ەكونوميكاعا اسەرى:
«حالىقتىڭ دەپوزيتى ۇلتتىق قوردان اسپاۋى كەرەك. ءبىزدىڭ دەپوزيت ۇلتتىق قوردان اسىپ كەتتى. ول – حاوس. ەكىنشىدەن، تاپقان اقشانى بيزنەسكە سالماي، دەپوزيتكە ساقتاي بەرسەك، وندا ورتا بيزنەس وركەندەمەيدى»، دەيدى ول.
قازىرگى ۋاقىتتا ەكىنشى دەڭگەيلى بانكتەردە جينالعان دەپوزيت كولەمى 36 ترلن تەڭگەنى قۇرايدى. ورتاشا ەسەپپەن 13-17 پايىز ارالىعىندا مولشەرلەمە بار. بۇل پايىزدىق مولشەرلەمەنىڭ ورتاشا ءمانى 15 پايىزعا تەڭ بولسا، جىل سايىن حالىق 5،5-6 ترلن تەڭگە كولەمىندە تابىس الادى. ەگەر وسى تابىستان تازا پايدانىڭ 20 پايىزىن ەسەپتەيتىن بولساق، ۇكىمەتكە 1-1،2 ترلن تەڭگە سالىق ءتۇسىپ، بۇل قارجى بيۋدجەتتىڭ تاپشىلىعىن جابۋعا كومەكتەسەر ەدى.
نەگە تەك قوسىلعان قۇن سالىعىنا قادالا بەرەمىز؟
سىرىمبەك تاۋ كاسىپكەر وسى سۇراقتى قويىپ، مەملەكەتكە دەپوزيتتەن الىناتىن تابىستىڭ سالىقتىق پايىزى جونىندە ويلانۋدى ۇسىنادى.