الماتى اكىمى دارحان ساتىبالدى جۇمىس ساپارى اياسىندا المالى اۋدانىنا بارىپ، ەسكى تۇرعىن ۇيلەردى جاڭارتۋ باعدارلاماسىنىڭ جۇزەگە اسىرىلۋ بارىسىمەن تانىستى.
باعدارلاما اياسىندا جامبىل، ءشارىپوۆ، شيەۆچەنكو جانە دوسمۇحامەدوۆ كوشەلەرىنىڭ اۋماعىنداعى 15 ەسكى ۇيدەن 78 وتباسى كوشىرىلدى. بۇل جەردە 7 كوپقاباتتى تۇرعىن ءۇي سالىندى، تاعى ءبىر ءۇيدىڭ ىرگەتاسى قازىلىپ جاتىر. سونىڭ ناتيجەسىندە بۇل اۋداندا تۇراتىن تۇرعىندار سانى ايتارلىقتاي ءوستى. ءقازىر مۇندا شامامەن 600 وتباسى تۇرادى، بۇل قولدانىستاعى ينفراقۇرىلىمعا قوسىمشا سالماق سالىپ وتىر.
جاڭارتۋ جوباسىمەن تانىسقاننان كەيىن دارحان ساتىبالدى ينجەنەرلىك ينفراقۇرىلىم مەن الەۋمەتتىك نىساندارعا تۇسەتىن سالماقتى ەسەپتەۋ تۋرالى تاپسىرما بەردى.
«ەڭ اۋەلى قۇرىلىسقا رۇقسات بەرگەن كەزدە ينجەنەرلىك جەلىلەر مەن جول ينفراقۇرىلىمىنا تۇسەتىن سالماقتى ەسكەرۋىمىز قاجەت. ويتكەنى تۇرعىندار سانى ارتقان سايىن بۇل جۇكتەمە دە كوبەيەدى. ال الەۋمەتتىك نىسانداردىڭ قۇرىلىسى باستى باسىمدىقتا بولۋعا ءتيىس»، – دەدى الماتى اكىمى.