قازاقستان پوليسياسى كۇنىنە ارنالعان كەڭ اۋقىمدى يميدجدىك-يدەولوگيالىق ناۋقان اياسىندا الماتى قالالىق پد-دە ەرلىك ساباعى ءوتتى، دەپ حابارلايدى aqshamnews.kz Polisia.kz-كە سىلتەمە جاساپ.
وعان زامانىمىزدىڭ ناعىز قاھارماندارى – توتەنشە جاعدايلاردا ادام ءومىرىن ساقتاپ قالعان پوليسيا قىزمەتكەرلەرى قاتىستى. ارىپتەستەرىمەن كەزدەسۋدە ولار، ادامداردى ورتتەن قالاي الىپ شىققانى، كوپىرلەردەگى قايعىلى وقيعالاردىڭ الدىن العانى، توتەنشە جاعدايلاردان زارداپ شەككەندەردى قالاي قۇتقارعانى تۋرالى اڭگىمەلەپ بەردى. ەرلىگى مەن جانقيارلىعى ءۇشىن ولاردىڭ كوپشىلىگى مەملەكەتتىك ناگرادالارمەن، مەدالدارمەن، قۇرمەت گراموتالارىمەن ماراپاتتالدى.
ءاربىر وقيعا – بورىش، نامىس، وتانعا دەگەن سۇيىسپەنشىلىك سەزىمىنە تولى ەرلىك شەجىرەسى. تىڭدارمانداردىڭ پاتريوتتىق رۋحى مەن شىنايى قۇرمەتى شاراعا ەرەكشە كوڭىل-كۇي سىيلادى. ەرلىك ساباعى جاستاردى تاربيەلەۋدىڭ، جاس قىزمەتكەرلەردىڭ بويىندا انتقا ادالدىق پەن ماماندىقتىڭ جوعارى ادامگەرشىلىك تالاپتارىن قالىپتاستىرۋدىڭ ماڭىزدى ەلەمەنتىنە اينالدى. وعان الماتى قالالىق پوليسيا دەپارتامەنتىنىڭ قىزمەتكەرلەرى عانا ەمەس، مامانداندىرىلعان كۇزەت قىزمەتى باسقارماسىنىڭ وكىلدەرى، سونداي-اق ق ر ءىىم م.ەسبولاتوۆ اتىنداعى الماتى اكادەمياسىنىڭ كۋرسانتتارى قاتىستى.
"ەرلىك – تەك قانا داڭقتى ىستەر ەمەس. بۇل – ءاربىر پوليسەيدىڭ كۇندەلىكتى، جانقيارلىق ەڭبەگى. ەرلىك كورسەتكەن ارىپتەستەرىمىز، قازاقستان پوليسياسى – زاڭ مەن ادام ءومىرىنىڭ ساقشىسى ەكەنىنە جاندى دالەل. مۇنداي كەزدەسۋلەر رۋحتاندىرادى، تالىم-تاربيە بەرەدى، بىرىكتىرەدى. ەڭ باستىسى – بۇل ەرلىك ساباعىن بولاشاق قۇقىق قورعاۋشىلارىمىز – جاس قىزمەتكەرلەردىڭ تىڭداعانى وتە ماڭىزدى"، – دەدى، الماتى قالالىق پوليسيا دەپارتامەنتى باستىعىنىڭ ورىنباسارى ءادىلعوجا قۇسايىنوۆ.
ءىس-شارا قازاقستان پوليسياسىنىڭ 33 جىلدىعىنا ارنالعان ءىس-شارالار كەشەنىنىڭ ءبىر بولىگى بولدى جانە كورپوراتيۆتىك ماقتانىش سەزىمىن نىعايتۋعا، كاسىپتى تانىمال ەتۋگە جانە قوعامدا پوليسيا قىزمەتى تۋرالى وڭ كوزقاراستى قالىپتاستىرۋعا باعىتتالعان.