29 قاراشادا ۇمىتكەرلەردى ۇسىنۋ جۇمىسى باستالادى.
28 قاراشادا قازاقستاننىڭ سايلاۋ كوميسسياسى سەنات دەپۋتاتتارىنىڭ سايلاۋى قالاي وتەتىنىن ايتتى، دەپ حابارلايدى Almaty-akshamy.kz.
ۇمىتكەرلەردى ۇسىنۋ جۇمىسى جەلتوقساننىڭ 14 كۇنى اياقتالىپ، 24 جەلتوقسان ۇگىت-ناسيحات جۇمىستارى باستالادى. ناسيحات جۇمىستارىقاڭتاردىڭ 13 دەيىن جۇرگىزىلىپ، تىنىشتىق كۇنى باستالادى. ال قاڭتاردىڭ 14 كۇنى داۋىس بەرۋ كۇنى بولادى. بۇل تۋرالى ماماندار وسك وتىرىسىندا ايتتى.
«قازاقستان رەسپۋبليكاسىنىڭ ازاماتى بولىپ تابىلاتىن جانە ونىڭ اۋماعىندا سوڭعى 10 جىل بويى تۇراقتى تۇراتىن ادام پارلامەنت دەپۋتاتى بولا الادى. 30 جاسقا تولعان، جوعارى ءبىلىمى جانە كەمىندە بەس جىل جۇمىس ءوتىلى بار، وبلىس اۋماعىندا كەمىندە ءۇش جىل تۇراقتى تۇراتىن ادام سەنات دەپۋتاتى بولا الادى. كانديداتتىڭ بەلسەندى داۋىس بەرۋ قۇقىعى بولۋى كەرەك»، - دەدى قازاقستان رەسپۋبليكاسى ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ دۇيسەنبى كۇنى وتكەن وتىرىستا.