"قازگيدرومەت" سينوپتيكتەرى 28 قاڭتارعا ارنالعان اۋا رايى بولجامىن جاريالادى، - دەپ حابارلايدى aqshamnews.kz ءتىلشىسى.
الماتىدا اۋا رايى قۇبىلمالى بۇلتتى بولادى، كۇندىز جاۋىن-شاشىن (جاڭبىر، قار) كۇتىلەدى. كەي ۋاقىتتا تۇمان ءتۇسىپ، جولداردا كوكتايعاق بولادى. جەلدىڭ جىلدامدىعى 3–8 م/س.
اۋا تەمپەراتۋراسى تۇندە -4…-6°س، كۇندىز 0…+2°س بولادى.
مەتەورولوگتاردىڭ دەرەگىنشە، ەلدىڭ سولتۇستىك جانە ورتالىق وڭىرلەرىندە قار جاۋىپ، بۇرقاسىن سوعادى. وڭتۇستىك پەن وڭتۇستىك-شىعىستا جاڭبىر ارالاس قار كۇتىلەدى، ال باتىس ايماقتاردا اۋا رايى سالىستىرمالى تۇردە تىنىش بولادى.
"رەسپۋبليكا بويىنشا جەل كۇشەيىپ، تۇمان ءتۇسۋى ىقتيمال. ال وڭتۇستىكتە، وڭتۇستىك-باتىستا جانە وڭتۇستىك-شىعىستا كوكتايعاق بولادى، بۇل جولداردى ەرەكشە تايعاق ەتەدى"، - دەلىنگەن "قازگيدرومەت" رمك باسپا ءسوز قىزمەتىنىڭ حابارلاماسىندا.
سونىمەن قاتار، تۇندە ماڭعىستاۋ وبلىسىنىڭ سولتۇستىك-شىعىسىندا وتە قاتتى اياز كۇتىلەدى.