باتىس قازاقستان وبلىسىندا اۋا رايىنىڭ قولايسىزدىعىنا بايلانىستى رەسپۋبليكالىق ماڭىزى بار ەكى تاسجول ۋچاسكەسىندە بارلىق كولىك ءتۇرى ءۇشىن قوزعالىس ۋاقىتشا شەكتەلدى، دەپ حابارلايدى Aqshamnews.kz ءتىلشىسى.
قاي باعىتتار جابىلدى:
-
كازتالوۆكا – جانىبەك – رف شەكاراسى: كازتالوۆكا اۋىلىنان جانىبەك اۋىلىنا دەيىنگى 0–158 كم ارالىعى ساعات 11:00-دەن باستاپ جابىق.
-
ونەگە – بيسەن – سايقىن: ونەگە اۋىلىنان سايقىن اۋىلىنا دەيىنگى 0–103 كم ۋچاسكەسى ساعات 12:00-دەن باستاپ جابىلدى.
جولداردى قايتا اشۋدىڭ بولجامدى ۋاقىتى — 1 اقپان، 18:00. دەگەنمەن مەرزىم اۋا رايىنا قاراي وزگەرۋى مۇمكىن.
ماڭعىستاۋداعى احۋال: بۇعان دەيىن «دوسسور – قۇلسارى – بەينەۋ – شەتپە – جەتىباي – اقتاۋ» تاسجولىنىڭ شەتپە مەن جەتىباي ارالىعىنداعى 632–718 كم بولىگى جابىلعان. اتالعان ۋچاسكەنى 1 اقپان ساعات 11:00-دە قايتا اشۋ جوسپارلانعان.
جولعا شىعار الدىندا: جولدىڭ اشىق-جابىقتىعىن ناقتىلاۋ ءۇشىن تاۋلىك بويى جۇمىس ىستەيتىن 1403 بايلانىس ورتالىعىنا حابارلاسىپ نەمەسە Sapar قوسىمشاسى ارقىلى تەكسەرۋگە بولادى.