ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، قانداستار ەڭبەك كۇشى تاپشى ايماقتارعا قونىستاندىرىلدى، دەپ حابارلايدى aqshamnews.kz
مينيسترلىكتىڭ مالىمەتىنشە، بيىلعى جىلدىڭ باسىنان بەرى قازاقستانعا 8 051 ەتنيكالىق قازاق ورالىپ، قانداس مارتەبەسىن الدى.
1991 جىلدان بەرى ەلگە قايتا ورالعان قازاقتاردىڭ جالپى سانى 1 ميلليون 156،1 مىڭ ادامعا جەتكەن.
قاي ەلدەردەن كەلدى؟
قانداستاردىڭ باسىم بولىگى ازيا ەلدەرىنەن كوشىپ كەلۋدە:
وزبەكستاننان – 44،2 پايىز؛
قىتايدان – 43،2 پايىز؛
تۇرىكمەنستاننان – 5 پايىز؛
موڭعوليادان – 2،7 پايىز؛
رەسەيدەن – 2،4 پايىز؛
باسقا مەملەكەتتەردەن – 2،5 پايىز.
قانداي ۇلەسى ەڭبەككە جارامدى؟
رەسمي دەرەك بويىنشا، قونىس اۋدارعان ەتنيكالىق قازاقتاردىڭ 59،1 پايىزى ەڭبەك ەتۋگە قابىلەتتى. ولاردىڭ جارتىسىنان كوبى جالپى ورتا ءبىلىم العان.
قانداستاردىڭ ەڭبەككە قابىلەتتى توبىنىڭ ءبىلىم دەڭگەيى مىناداي:
جوعارى ءبىلىم – 15،7 پايىز؛
ارناۋلى ورتا ءبىلىم – 28،1 پايىز؛
جالپى ورتا ءبىلىم – 53،5 پايىز؛
ءبىلىمى جوقتار – 2،7 پايىز.
سونىمەن قاتار، قونىس اۋدارۋشىلاردىڭ 31،8 پايىزى – كامەلەتكە تولماعاندار، 9،1 پايىزى – زەينەتكەرلەر.
قاي وڭىرلەرگە قونىستاندى؟
كوشىپ كەلگەن قانداستار ەڭبەك كۇشى تاپشى ايماقتارعا قونىستاندىرىلدى. ولار: اقمولا، اباي، قوستاناي، پاۆلودار، اتىراۋ، باتىس قازاقستان، شىعىس قازاقستان جانە سولتۇستىك قازاقستان وبلىستارى.
- 2025 جىلعا ارنالعان وڭىرلەر بويىنشا قانداستاردى قابىلداۋ كۆوتاسى 2 309 ادامدى قۇرايدى. 1 تامىزداعى جاعداي بويىنشا ەڭبەك كۇشى تاپشى وڭىرلەرگە 1 286 قانداس ورنالاستىرىلدى، – دەلىنگەن مينيسترلىك حابارلاماسىندا.