ءبىر اپتا بۇرىن الماتى قالاسىنىڭ ءبىلىم باسقارماسى قالالىق مەكتەپتەردىڭ BilimClass تەگىن ەلەكترون جۋرنالىنا وتەتىنىن حابارلاعان ەدى. 2025–2026 وقۋ جىلىنىڭ ءۇشىنشى توقسانىنان پلاتفورما قالالىق مەملەكەتتىك مەكتەپتەردە جۇمىس ىستەي باستادى. رەداكسيا ءقازىر قازاقستاننىڭ 11 وڭىرىندە جۇمىس ىستەپ تۇرعان پلاتفورمانىڭ تاريحى مەن باستى ارتىقشىلىقتارىن زەردەلەپ كوردى.
ءبىلىم بەرۋدى سيفرلاندىرۋعا ارنالعان وتاندىق شەشىم
BilimClass ەلەكترون جۋرنال رەتىندە 2022 جىلى ىسكە قوسىلدى. الايدا پلاتفورمانى جاساقتاۋعا پاندەميا كەزى تىكەلەي اسەر ەتكەن. 2020 جىلى ەل مەكتەپتەرى قاشىقتان وقۋ فورماتىنا كوشۋىنە بايلانىستى جەدەل سيفرلىق شەشىمدەر قاجەت بولدى. وسى كەزدە ءبىلىم بەرۋ سالاسىندا سيفرلىق ونىمدەر جاسايتىن Bilim Group توبى OnlineMektep پلاتفورماسىن جاساپ، قازاقستاندىق وقۋشىلارعا ارنالعان ۆيدەوساباقتار مەن تاپسىرمالار ۇسىندى. ەپيدەميولوگيالىق جاعداي تۇراقتالعان سوڭ، سيفرلىق قۇرالداردىڭ تەك توتەنشە جاعدايدا ەمەس، وقۋ پروسەسىن وڭتايلاندىرۋ ءۇشىن قاجەت ەكەنى انىقتالعان. وسىلايشا Bilim Group كومانداسى مەكتەپتەرگە ارنالعان ءتۇرلى قۇرالدى بىرىكتىرەتىن BilimClass جۇيەسىن ازىرلەپ شىققان.
پلاتفورمانىڭ اۋديتورياسى قانداي؟
بۇگىندە BilimClass جۇيەسىن قازاقستاننىڭ 11 وڭىرىندەگى 2،5 ميلليون وقۋشى مەن 350 مىڭعا جۋىق ءمۇعالىم پايدالانىپ وتىر. اتاپ ايتقاندا، پلاتفورما الماتى، اقمولا، باتىس قازاقستان، قوستاناي، اقتوبە، ۇلىتاۋ، اباي، قىزىلوردا، جەتىسۋ، تۇركىستان جانە سولتۇستىك قازاقستان وبلىستارىندا قولدانىستا. ال جۇيەگە قوسىلعان مەكتەپتەردىڭ جالپى سانى 5000-عا جۋىق.
دەرەكتەردىڭ قاۋىپسىزدىگىن قامتاماسىز ەتەتىن وتاندىق ءونىم
BilimClass اقپاراتتىق قاۋىپسىزدىك پەن دەربەس دەرەكتەردى قورعاۋ تالاپتارىنا تولىق سايكەس كەلەدى. پلاتفورما ق ر ۇقك مەملەكەتتىك تەحنيكالىق قىزمەتىنىڭ سەرتيفيكاتتاۋىنان وتكەن. ازىرلەۋشىلەرلىڭ پىكىرىنە سايكەس، جۇيە ءۇشىن باستى باسىمدىق — اقپاراتتىق قاۋىپسىزدىك، سوندىقتان BilimClass پايدالانۋشىلار دەرەكتەرىنىڭ قۇپيالىعى مەن سەنىمدى تۇردە ساقتالۋىن قامتاماسىز ەتەدى.
الماتى مەكتەپتەرىنە ەنگىزۋ پروسەسى
ءبىلىم باسقارماسىنىڭ دەرەكتەرىنە سايكەس، پلاتفورمانى الماتى قالاسىنىڭ مەكتەپتەرىنە ەنگىزۋ تۋرالى شەشىم قابىلدانباس بۇرىن ول 15 مەكتەپتە پيلوتتىق اپروباسيادان وتكەن. سونىڭ ناتيجەسىندە BilimClass جۇيەسى بارلىق قاجەتتى تالاپتارعا ساي ەكەنىن كورسەتكەن. پلاتفورماعا كوشۋ جۇمىستارى وقۋ پروسەسىنە اسەر ەتپەۋ ءۇشىن قىسقى كانيكۋل كەزىندە جۇزەگە استى، ال مۇعالىمدەر BilimClass-پەن جۇمىس ىستەۋ بويىنشا تەگىن وقۋدان ءوتتى.
مەكتەپتەرگە، مۇعالىمدەر مەن اتا-انالارعا ارنالعان مۇمكىندىكتەر
اتا-انالار مەن وقۋشىلار BilimClass ءموبيلدى قوسىمشاسىن تەگىن پايدالانىپ، ساباق كەستەسىن، ۇلگەرىمى مەن ءۇي تاپسىرمالارىن باقىلاي الادى. جۋرنال مەكتەپتى باسقارۋ جۇيەسى، وقۋ كونتەنتى، ادىستەمەلىك تالداۋ جانە اناليتيكا قۇرالدارىن دا ۇسىنادى. سونىمەن قاتار مەكتەپتەر ۇبت-عا دايىندالۋعا كومەكتەسەتىن iTest ونلاين-ترەناجەرى، باستاۋىش سىنىپ وقۋشىلارىنا ارنالعان قازاق تىلىندەگى iMektep ۆيدەوساباقتار پلاتفورماسى، سونداي-اق تمد اۋماعىنداعى ەڭ ءىرى سيفرلىق ءبىلىم بەرۋ كونتەنت قورى سانالاتىن BilimLand ءونىمى تەگىن قولدانا الادى.