باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ قىلمىستىق قاۋىپ-قاتەردىڭ جانە قوعامدىق قاۋىپسىزدىكتىڭ تاۋەكەلدەرىن بولجاۋ ورتالىعى iPhone يەلەرىنە قاتىستى ينتەرنەت-الاياقتىقتىڭ ءقاۋپى تۋرالى ەسكەرتەدى، - دەپ حابارلايدى Aqshamnews.kz.
شەتەلدىك دەرەككوزدىڭ اقپاراتىنا سايكەس الاياقتار ادامدارعا Apple اتىنان تابىلعان iPhone-نىڭ مودەلى، ءتۇسى جانە جادىنىڭ كولەمى كورسەتىلگەن جالعان SMS نەمەسە iMessageء-تى، فيشينگتىك سىلتەمەنى قوسا تىركەي وتىرىپ جولدايدى، وسىلايشا حابارلامانىڭ جالعان ەمەستىگى تۋرالى اسەر تۋىندايدى.
بەكىتىلگەن سىلتەمە بويىنشا ءوتۋ ارقىلى، پايدالانۋشى Apple Find My سەرۆيسىنە ۆيزۋالدى ۇقساس جالعان پاراقشاعا تۇسەدى، ول Apple ID لوگينى مەن ءپارولىن الاياقتارعا جولدايدى.
بۇل الاياقتار iPhone-نىڭ قوسىلۋىن قۇلىپتاۋدى اينالىپ وتۋگە، قۇرىلعىعا جانە جەكە اقپاراتقا قول جەتكىزۋگە مۇمكىندىگىن بەرەدى.
قاۋىپ-قاتەردىڭ كورسەتىلگەن ءتۇرى بەلسەندى تۇردە تارالۋىن ەسكەرە وتىرىپ، قاتاڭ تۇردە كەلەسى ءىس-شارالاردى ۇستانۋدى ۇسىنامىز:
- - كۇمان تۋدىراتىن سىلتەمەلەر بويىنشا وتپەۋ كەرەك؛
- - جوعالعان قۇرىلعىنىڭ قۇلىپتاۋ ەكرانىندا بايلانىس اقپاراتىن كورسەتۋ ءۇشىن بولەك ەلەكتروندىق پوشتانىڭ مەكەنجايىن پايدالانۋ كەرەك؛
- - SIM-كارتاعا قول جەتكىزۋدى قيىنداتۋ ءۇشىن ونى PIN-كودپەن قورعاۋ كەرەك؛
- - قۇرىلعىنى تەك icloud.com/find ارقىلى تەكسەرۋ كەرەك.