بۇرىنعى ۇقك باسشىسى كارىم ءماسىموۆتىڭ ءۇيى تاعى ءباسساۋداعا قويىلدى.
ءبىراق بۇل جولى ونىڭ قۇنى 300 ملن تەڭگەگە ءتۇستى، دەپ حابارلايدى aqshamnews.kz.
ۇقك كارىم ءماسىموۆتىڭ استاناداعى ءزاۋلىم سارايى تاعى ءباسساۋداعا قويىلدى. بۇل ءۇي وسىمەن ءۇشىنشى رەت اۋكسيونعا قويىلىپ وتىر. دەگەنمەن باعاسى ەداۋىر قۇلدىراعان - 1 ملرد 600 ملن 838،1 مىڭ تەڭگە. بۇعان دەيىن ونىڭ قۇنى 1 ملرد 883 ملن 338،9 مىڭ تەڭگەنى قۇراعان.
اڭگىمە نۇرا اۋدانىنداعى ءزاۋلىم ساراي تۋرالى. عيماراتتىڭ جالپى اۋدانى – 2،8 مىڭ شارشى مەتر. ونىڭ ىشىندە تۇرعىن اۋدانى 347،2 شارشى مەتردى قۇرايدى. سونىمەن قاتار سارايدىڭ جالپى جەر اۋماعى 0،9475 گەكتار جانە قوسىمشا 0،2713 گەكتار جەر تەلىمىمەن تولىقتىرىلعان.
قۇجاتتارعا سايكەس، وندا رەسەپشن، باسسەيندەر، بيليارد بولمەسى، بىرنەشە كولىك تۇراعى جانە ونداعان بولمە بار.