25 جەلتوقسان كۇنى اتىراۋ قالاسىنىڭ تۇرعىنى اعا-جەڭگەسى مەن ولاردىڭ بالالارىنىڭ ءبىر ايدان استام ۋاقىتتان بەرى حابار-وشارسىز كەتكەنىن ايتىپ، ارىز تۇسىرگەن، - دەپ حابارلايدى Aqshamnews.kz.
قىزىلقوعا اۋدانىنا قاراستى جانگەلدى اۋىلىنىڭ تۇرعىندارى قاراشا ايىندا ۇيلەرىنەن بەلگىسىز باعىتتا شىعىپ كەتىپ، سودان بەرى ورالماعان.
— پوليسيا قىزمەتكەرلەرى ولاردىڭ جۇرگەن جەرىن انىقتاۋ ءۇشىن بارلىق قاجەتتى شارالاردى قابىلداپ جاتىر. باسقا وڭىرلەردىڭ پوليسيا بولىمشەلەرىنە دە باعدارلاما جىبەرىلدى. قولدا بار مالىمەتتەرگە سايكەس، ەرلى-زايىپتىلار جانە ولاردىڭ 33 جانە 35 جاستاعى ەكى ەرەسەك بالاسى ەلدىڭ وڭتۇستىك وڭىرلەرىنە باعىت الۋى مۇمكىن، — دەپ حابارلادى اتىراۋ وبلىسى پوليسيا دەپارتامەنتى.
اتالعان ادامداردىڭ جۇرگەن جەرى تۋرالى قانداي دا ءبىر اقپارات بىلەتىن ازاماتتاردان قۇقىق قورعاۋ ورگاندارىنا 98-20-78، 98-20-88 نومىرلەرى ارقىلى حابارلاسۋ سۇرالادى.