ءماجىلىس دەپۋتاتى نارتاي سارسەنعالييەۆ ىشكى ىستەر ءمينيسترى ەرجان سادەنوۆ كەيىنگى كەزدەگى ەلدەگى اسكەري احۋالعا بايلانىستى سۇراق قويدى، - دەپ حابارلايدى aqshamnews.kz ءتىلشىسى.
"بىلتىر كەيىنگى ءۇش جىلدا 270 سارباز قازا تاپقانىن بىلتىر ايتتىم. بيىلعى قىركۇيەكتىڭ وزىندە الماتىدا اسكەرگە بارعانىنا ءبىر اپتا بولعان ازامات قازا تاپتى. ودان كەيىن تاعى ءبىر ازامات وقۋ-جاتتىعۋ جيىندارىندا وققا ۇشتى. تاعى ءبىر ازامات جۇمباق جاعدايدا قازا تاپتى. الەۋمەتتىك جەلىدەن كوردىك، ازامماتىڭ ءمايىتىن ۇيىنە اپارعاندا اناسى اسكەري قىزمەتكەرلەردىڭ جاعاسىنان الىپ جاتىر"، - دەدى ول.
نارتاي ارالباي ۇلى "قۇقىقبۇزۋشىلىق پروفيلاكتيكاسى تۋرالى" جاڭا زاڭ جوباسى بۇل ماسەلەنى قالاي شەشەتىنىن سۇرادى.
"ەشقانداي جاڭالىق جوق. اۋەلدەن بار نارسە. بۇل اسكەردەگى زاڭسىزدىقتاردى جويمايتىنىنا جىلدار بويى كوزىمىز جەتتى. اسكەردەگى زاڭسىزدىقتاردى، ۋستاۆقا قارسى ارەكەتتەردى جوياتىن،بۇل ماسەلەنى شەشۋدىڭ تەتىگى قاراستىرىلدى ما؟ الدە 17-باپتاعى ستاندارتتى كۇيمەن شەكتەلەمىز بە؟" - دەپ سۇرادى دەپۋتات.
ەرجان سادەنوۆ دەپۋتاتتىڭ ساۋالىنا جاۋاپ بەردى:
"تولىققاندى ءبارىن شەشتىك، وسىمەن شەكتەلەمىز دەپ ايتپايمىن. ءبىرىنشى وتىرىس قوي. ۇسىنىستار بولسا، قارايىق. جالپى قورعانىس مينيسترلىگىمەن قارادىق".