بەلگىسىز جاعدايدا بولعان جارىلىس سالدارىنان قۇرىلىس تۇگەل قيراعان
ماڭعىستاۋ وبلىسىنىڭ اقتاۋ قالاسىندا جارىلىس بولىپ، عيمارات قيرادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الەۋمەتتىك جەلىدە اقتاۋ قالاسىندا جارىلىس بولعانى تۋرالى حابار تاراعان. ماڭعىستاۋ وبلىسى توتەنشە جاعدايلار دەپارتامەنتى بۇل مالىمەتتى راستادى.
«ساعات 22.25-تە ماڭعىستاۋ وبلىسى توتەنشە جاعدايلار دەپارتامەنتىنە اقتاۋ قالاسى، №29 «ا» شاعىن اۋدان مەكەنجايى بويىنشا جارىلىس بولعانى تۋرالى اقپارات كەلىپ ءتۇستى. بەلگىسىز جاعدايدا بولعان جارىلىس سالدارىنان قۇرىلىس تۇگەل قيراعان. زارداپ شەككەندەر تۋرالى اقپارات تۇسكەن جوق. جارىلىستىڭ سەبەبى مەن بۇزىلۋ ايماعى ناقتىلانىپ جاتىر»، - دەلىنگەن ماڭعىستاۋ وبلىسى توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان مالىمەتتە.
وقيعا ورنىنا توتەنشە جاعدايلار دەپارتامەنتىنىڭ 5 تەحنيكاسى مەن 17 قىزمەتكەرى، «اپاتتىق مەديسينا ورتالىعى» مەكەمەسىنىڭ 3 قىزمەتكەرى مەن 1 تەحنيكاسى اتتانعانى حابارلانۋدا.