2026 جىلعى اقپاندا قازاقستاندا مەملەكەتتىك مەرەكەلەر قاراستىرىلماعان، سوندىقتان دەمالىس كۇندەرى تەك سەنبى مەن جەكسەنبى بولىپ قالا بەرەدى، - دەپ حابارلايدى aqshamnews.kz ءتىلشىسى Almaty.tv-عا سىلتەمە جاساپ.
قىستىڭ سوڭعى ايى جىلدىڭ ەڭ قىسقا كەزەڭى بولعاندىقتان، قازاقستاندىقتار 8 كۇن دەمالادى.
دەگەنمەن اقپاندا كاسىبي جانە وزگە دە اتاۋلى كۇندەر بار. ولار جۇمىس كۇندەرىنە سايكەس كەلگەنىنە قاراماستان اتاپ ءوتىلىپ، سول سالالارعا قاتىسى بار جاندارعا قۇرمەت كورسەتىلەدى.
كاسىبي مەرەكەلەردىڭ تىزبەسى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ مىندەتىن اتقارۋشىنىڭ 2023 جىلعى 17 قاراشاداعى №480 بۇيرىعىنا سايكەس بەكىتىلگەن. اتالعان قۇجات العاش رەسمي جاريالانعان كۇنىنەن باستاپ قولدانىسقا ەنگىزىلگەن.
كاسىبي جانە اتاۋلى كۇندەر:
- 1 اقپان – قازاقستان رەسپۋبليكاسىنىڭ ازاماتتىق اۆياسيا قىزمەتكەرلەرى كۇنى
- 2 اقپان – ۇلتتىق باسىلىم كۇنى
- 15 اقپان – كەڭەس اسكەرلەرىنىڭ شەكتەۋلى كونتينگەنتىن اۋعانستان دەموكراتيالىق رەسپۋبليكاسىنان شىعارۋ كۇنى
بۇۇ كۇنتىزبەسى بويىنشا:
- 4 اقپان – قاتەرلى ىسىككە قارسى كۇرەستىڭ دۇنيەجۇزىلىك كۇنى؛ ادامزات باۋىرلاستىعىنىڭ حالىقارالىق كۇنى؛
- 10 اقپان – دۇنيەجۇزىلىك بۇرشاق تۇقىمداس داقىلدار كۇنى؛
- 11 اقپان – عىلىمداعى ايەلدەر مەن قىزداردىڭ حالىقارالىق كۇنى؛
- 12 اقپان – قىزىل قول كۇنى (2002 جىلدان بەرى بۇۇ دەڭگەيىندە سوعىس پەن قارۋلى قاقتىعىستارعا تارتىلعان بالالاردى ەسكە الۋ كۇنى رەتىندە اتالىپ وتەدى)؛ دارۆين كۇنى؛
- 13 اقپان – دۇنيەجۇزىلىك راديو كۇنى؛
- 20 اقپان – الەۋمەتتىك ادىلەتتىلىك كۇنى؛
- 21 اقپان – حالىقارالىق انا ءتىلى كۇنى؛
- 27 اقپان – دۇنيەجۇزىلىك ۇەۇ كۇنى نەمەسە ۇكىمەتتىك ەمەس ۇيىمداردىڭ حالىقارالىق كۇنى.