ۇلتتىق جوبانىڭ ءبىرىنشى جارتىجىلدىقتاعى ناتيجەلەرى بەلگىلى بولدى.
«اڭساعان ءسابي» باعدارلاماسىنىڭ ارقاسىندا 2 300 بالا دۇنيەگە كەلدى. بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جۇكتى ايەلدەردىڭ دەنساۋلىعىن ساقتاۋ جانە بالالاردىڭ دەنساۋلىعىن نىعايتۋ ءۇشىن جۇكتى ايەلدەردى جەكە جانە ديسيپلينارلىق باقىلاۋمەن قامتۋ 82 پايىزدى قۇرادى. مەملەكەت باسشىسىنىڭ تاپسىرماسى بويىنشا «اڭساعان ءسابي» ارنايى باعدارلاماسى ىسكە قوسىلدى. باعدارلامانى ىسكە اسىرۋ كەزىندە 3 مىڭنان استام ايەلدە جۇكتىلىك باستالدى، كوپتەن كۇتكەن 2 300 بالا دۇنيەگە كەلدى»، - دەدى مينيستر «دەنى ساۋ ۇلت» ءاربىر ازامات ءۇشىن ساپالى جانە قولجەتىمدى دەنساۋلىق ساقتاۋ» ۇلتتىق جوباسىنىڭ ءبىرىنشى جارتىجىلدىقتاعى ناتيجەلەرى جايىندا بايانداي كەلە.
اجار عينياتتىڭ اتاپ وتۋىنشە، بالالار مەن جۇكتى ايەلدەردى، ونىڭ ىشىندە قاتەرلى توپتاعى بالالاردى زەرتتەپ-قاراۋ جانە كونسۋلتاسيا بەرۋ ءۇشىن پەريناتالدىق ۋلترادىبىستىق زەرتتەۋ سكرينينگىن جۇرگىزۋدى ۇيىمداستىرۋدىڭ جاڭا ستاندارتى بەكىتىلدى.
«18 ۇرىقتى ساقتاۋ ورتالىعى ۇيىمداستىرىلدى. ناتيجەسىندە جۇكتى ايەلدەردى پەريناتالدىق سكرينينگپەن قامتۋ التى ايدىڭ ىشىندە 6 پايىزعا ءوستى»، - دەدى ول.