بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى نازگۇل ساعىندىقوۆا الەۋمەتتىك كودەكس نورمالارىن ءتۇسىندىرۋ بويىنشا جۇمىس ساپارى اياسىندا الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا ايتتى، - دەپ حابارلايدى almaty-akshamy.kz
حالىقتى جۇمىسپەن قامتۋ سالاسىنداعى جاڭا الەۋمەتتىك كودەكستە يكەمدى جۇمىسپەن قامتۋدىڭ بارلىق تۇرلەرى زاڭ جۇزىندە بەكىتىلىپ، رەتتەلەتىن بولادى.
«ۇسىنىلعان جاڭا تاسىلدەر كەلەسى باعىتتار بويىنشا جۇزەگە اسىرىلاتىن بولادى. ءبىرىنشىسى – ەڭبەك نارىعىن ىرىقتاندىرۋ. بۇل يكەمدى جۇمىسپەن قامتۋدىڭ بارلىق تۇرلەرىن، سونىڭ ىشىندە پلاتفورمالىق جۇمىسپەن قامتۋدى مويىنداۋدى بىلدىرەدى»، - دەدى ن.ساعىندىقوۆا.
بۇل نورما، سپيكەردىڭ ايتۋىنشا، ءوزىن-وزى جۇمىسپەن قامتىعان ازاماتتاردى ىقتيمال الەۋمەتتىك تاۋەكەلدەردەن قورعاۋدى، ال ولار تۋىنداعان جاعدايدا الەۋمەتتىك قولداۋدى قامتاماسىز ەتەدى. وسى ماقساتتا «تاۋەلسىز جۇمىسشى» ۇعىمى ەنگىزىلدى. بۇل ەڭبەك قىزمەتى تابىس اكەلەتىن، ءبىراق سونىمەن بىرگە ۋاكىلەتتى ورگانداردا رەسمي مەملەكەتتىك تىركەۋى جوق تۇلعا.
«مۇنداي جۇمىسشىلاردىڭ قىزمەتى، ەگەر ولار ونلاين پلاتفورمالاردىڭ ۇسىنىسىنا قوسىلسا نەمەسە جاريا كەلىسىمشارت جاساسا، زاڭدى جۇمىسپەن قامتىلعان دەپ تانىلادى»، - دەپ قوستى سپيكەر.
ماسەلەن، تاكسي جۇرگىزۋشىلەرى مەن كۋرەرلەر الەۋمەتتىك سالىق رەجيمىمەن قامتىلاتىن بولادى. وسى ساناتتاعى قىزمەتكەرلەر ءۇشىن الەۋمەتتىك اۋدارىمداردى ونلاين پلاتفورمالار وپەراتورلارى جۇزەگە اسىراتىن بولادى.
سونىمەن قاتار، سيفرلىق جۇمىسپەن قامتۋ ورتالىقتارىن ەنگىزۋ ماسەلەسى قاراستىرىلۋدا. سپيكەردىڭ ايتۋىنشا، قازىرگى جۇيە وڭىرلىك ەڭبەك نارىقتارىن دامىتۋ بويىنشا بارلىق باستامالار مەن باعدارلامالاردى ۇيلەستىرەتىن ءموبيلدى ورتالىقتارعا اينالادى.