جاڭا وقۋ جىلى ىشىندە 50 پەداگوگ فينليانديا مەن ەستونيانىڭ جەتەكشى مەكتەپتەرىندە تاعىلىمدامادان وتەدى.
بۇل تۋرالى الماتىدا ءوتىپ جاتقان ۇستازدار فورۋمىندا ايتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سونىمەن قاتار 2023 جىلدان باستاپ مۇعالىمدەردى ينكليۋزيۆتى ءبىلىم بەرۋ بويىنشا وقىتۋدىڭ ارنايى باعدارلاماسى باستالادى.
قالالىق ءبىلىم باسقارماسىنىڭ اقپاراتى بويىنشا، بۇگىندە بارلىق مەملەكەتتىك مەكتەپتەردى شارۋاشىلىق جۇرگىزۋ كاسىپورىندارىنا كەزەڭ-كەزەڭىمەن كوشىرۋ جۇرگىزىلۋدە. بيىل قالانىڭ 210 مەملەكەتتىك مەكتەبىنىڭ 76-سى شارۋاشىلىقتى جۇرگىزۋ تۇرىنە كوشەدى.
«وسى وزگەرىستەرگە بايلانىستى مۇعالىمدەردىڭ بىلىكتىلىگىن ارتتىرۋعا ەرەكشە كوڭىل بولىنەدى – پەداگوگتەردىڭ وقىتۋ فورماتى تۇبەگەيلى قايتا قارالدى، ونىڭ اياسىندا ولار ءۇشىن حالىقارالىق تاعىلىمدامانى ۇيىمداستىرۋ جوسپارلانۋدا. جاڭا وقۋ جىلى ىشىندە 50 پەداگوگ قىزمەتكەر فينليانديا مەن ەستونيانىڭ جەتەكشى مەكتەپتەرىندە تاعىلىمدامادان وتەدى.
2023 جىلدان باستاپ مۇعالىمدەردى ينكليۋزيۆتى ءبىلىم بەرۋ بويىنشا وقىتۋدىڭ ارنايى باعدارلاماسى باستالادى. باعدارلاماعا كوللەدج وقىتۋشىلارى دا قاتىسادى»،- دەپ اتاپ ءوتتى باسقارماداعىلار. پەداگوگيكالىق قىزمەتكەرلەردىڭ تامىز فورۋمى اياسىندا قالانىڭ ءبىلىم بەرۋ جۇيەسى جۇمىسىنىڭ 11 باعىتى بويىنشا ستەند-كورمە ءوتتى.