ورتالىق قالالىق كلينيكالىق اۋرۋحانا دارىگەرلەرى ينتراوپەراسيالىق نەيرومونيتورينگ جۇيەسىنىڭ كومەگىمەن تۇڭعىش رەت ەرەكشە وتا جاساپ، جۇلىنداعى قاتەرلى ىسىكتى الىپ تاستادى. جوعارى تەحنولوگيالى وپەراسيا مىندەتتى الەۋمەتتىك مەديسينالىق ساقتاندىرۋ ەسەبىنەن جاسالدى، دەپ حابارلايدى اlmaty-akshamy.kz.
اۋرۋحانانىڭ نەيروحيرۋرگيا ءبولىمى مەڭگەرۋشىسى مارات الماتوۆتىڭ ايتۋىنشا، اتالعان ءادىس وپەراسيا كەزىندە پاسيەنتتىڭ جۇيكە جۇيەسىن زاقىمدانۋدان بارىنشا قورعايدى. سونىمەن قاتار، نەيروحيرۋرگتىڭ وتا بارىسىندا جاسالاتىن مانيپۋلياسيالاردى باستان-اياق باقىلاپ وتىرۋىنا مۇمكىندىك بەرەدى.
«وپەراسيا الدىندا ءبىز ناۋقاستىڭ بۇلشىق ەتتەرىنە جانە ورگانيزمنىڭ فۋنكسيونالدىق ماڭىزى بار اۋماعىنا ارنايى ەلەكترودتار ورناتامىز. كەيىن ولاردى ينتراوپەراسيالىق نەيرومونيتورينگ جۇيەسىنە قوسامىز. سول ارقىلى وپەراسيا بارىسىن تولىق باقىلاۋدا ۇستايمىز. بۇل جۇيە مانيپۋلياسيا بارىسىندا جۇيكە جۇيەسىنىڭ زاقىمدانۋىنا جول بەرمەيدى»، - دەيدى دارىگەر.
جوعارى تەحنولوگيالى وپەراسيا ناۋقاستىڭ 6 جانە 7ء-شى ومىرتقا بولىگىنە جاسالدى.
«ەكى ساعاتقا سوزىلعان وتا ءساتتى ءوتتى. پاسيەنتتىڭ قالىپتى ومىرگە قايتىپ ورالۋعا تولىق مۇمكىندىگى بار. ايتا كەتەيىن، جۇلىنداعى ىسىك سالدارىنان جۇيكە قىزمەتى بۇزىلادى. ادەتتە، اياق-قولدا السىزدىك پايدا بولادى، سەزىمتالدىعى جويىلادى، جامباس پەن جىنىستىق ورگانداردىڭ فۋنكسياسى بۇزىلادى»، - دەدى مارات الماتوۆ.
جوعارى تەحنولوگيالاردىڭ كومەگىمەن جاسالاتىن وپەراسيالاردىڭ اقىسى مىندەتتى الەۋمەتتىك مەديسينالىق ساقتاندىرۋ قاراجاتى ەسەبىنەن تولەنەدى.