ەلىمىز بويىنشا 24 اقپان – 24 ناۋرىز ارالىعىندا دۇنيەجۇزىلىك تۋبەركۋلەزگە قارسى كۇرەس كۇنىنە وسى دەرتتىڭ الدىن الۋعا ارنالعان ايلىق ءوتىپ جاتىر. بيىلعى ايلىقتىڭ ۇرانى – «ءبىز تۋبەركۋلەزدى جەڭەمىز!».
الماتىداعى №24 ەمحانا دارىگەرلەرى ءلاززات بەرىك قىزى مەن ءاليا تۇرسىنبەك قىزى №11 مەكەمەدە جازاسىن وتەپ جاتقان جاسوسپىرىمدەر ءۇشىن ءاقپاراتتىق-تۇسىندىرۋ جۇمىسىن جۇرگىزدى. ماماندار جاستارعا تۋبەركۋلەزدەن ساقتانۋ جولدارىن ءتۇسىندىردى. ولارعا دەنساۋلىقتىڭ ماڭىزدىلىعىن ايتىپ بەردى. سالاۋاتتى ءومىر سالتىن ۇستانىپ جۇرۋگە شاقىردى.
ايتا كەتسەك، №11 مەكەمەدە دەنساۋلىق ساقتاۋ مينيسترلىگى بۇيرىعىنىڭ بارلىق نورماسى قاتاڭ ساقتالادى. جاسوسپىرىمدەر مەكەمەگە تۇسكەننەن كەيىن ءۇش تاۋلىك ىشىندە فليۋوروگرافيالىق تەكسەرۋدەن وتەدى.
جىلىنا ەكى مارتە فگ- تەكسەرۋ بولادى. قازاقستان رەسپۋبليكاسىنىڭ باس مەملەكەتتىك سانيتارلىق دارىگەرىنىڭ قاۋلىسىمەن بەلگىلەنگەن سانيتارلىق-دەزينفەكسيالىق رەجيمدى ساقتاۋ جۇمىستارى جۇيەلى تۇردە ۇيىمداستىرىلادى.