مەشىتتەن ۇيالى تەلەفون ۇرلاعان 30 جاستاعى ەر ادام ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جەرگىلىكتى تۇرعىن ءبىزدىڭ بولىمشەگە ارىزبەن جۇگىندى. ول مەشىتتە ۇيىقتاپ قالعانىن، ويانعاندا تەلەفونىن تاپپاعانىن ايتتى. كۇدىكتى تەز ارادا انىقتالدى. بەينەباقىلاۋ كامەرالارىنىڭ دەرەكتەرى جاقسى كومەك بولدى. قاسكوي 30 جاستاعى م. ەسىمدى ازامات بولىپ شىقتى. ول ءوز ءىسىن مويىنداپ، مەشىتتە ۇيىقتاپ جاتقان ادامدى كورگەنىن، ونىڭ جانىندا تەلەفونى بولعانىن ايتتى. ول ءوزىنىڭ ارام ويى كەنەتتەن پايدا بولعانىن ايتادى. وعان ەشكىم قاراپ تۇرماعانىنا كوز جەتكىزگەن سوڭ، گادجەتتى الىپ، مەشىتتەن شىعىپ كەتكەن»، – دەدى مەدەۋ اۋداندىق پب-عا قاراستى پوليسيا ءبولىمىنىڭ باستىعى ەدىلحان بايعارايەۆ.
وڭاي اقشانى ۇناتاتىن جىگىت ۇرلاپ العان زاتىن ساتۋدى جوسپارلاعان، ءبىراق ۇلگەرمەگەن. سەبەبى ونى پوليسيا قىزمەتكەرلەرى ۇستاپ العان. تەلەفون تاركىلەنىپ، زاتتاي ايعاق رەتىندە ىسكە تىركەلدى. قىلمىستىق ءىس تىركەلدى.