الماتىدا شىلدە ايىندا 214 مەملەكەتتىك ءبىلىم بەرۋ ۇيىمدارىنا 2023-2024 وقۋ جىلىنا دايىندىعىن انىقتاۋ ماقساتىندا مونيتورينگ جۇرگىزىلدى.
بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسىنىڭ ءبىلىم ساپاسىن قامتاماسىز ەتۋ دەپارتامەنتىنىڭ باسشىسى گۇلنار ەرمەكبايەۆا ايتىپ بەردى، دەپ حابارلايدى Almaty-akshamy.kz.
ەستەرىڭىزگە سالا كەتەيىك، دەپارتامەنت - ءبىلىم بەرۋ قىزمەتتەرىن كورسەتۋ ساپاسىن ارتتىرۋعا، ءبىلىم بەرۋ سالاسىنداعى مەملەكەتتىك ساياساتتى ىسكە اسىرۋعا باعىتتالعان باقىلاۋ جانە ىسكە اسىرۋ فۋنكسيالارىن جۇزەگە اسىراتىن ق ر وام اۋماقتىق ورگانى.
مونيتورينگكە الماتى قالاسىنىڭ ءبىلىم سالاسىندا ساپانى قامتاماسىز ەتۋ دەپارتامەنتىنىڭ، اباي اتىنداعى ۇلتتىق پەداگوگيكالىق ۋنيۆەرسيتەتىنىڭ جانە ايماقتىق «ورلەۋ» ۇلتتىق بىلىكتىلىكتى ارتتىرۋ ورتالىعىنىڭ قىزمەتكەرلەرى تارتىلدى.
«الماتى قالاسىندا مەكتەپتەرىنىڭ 68 پايىزىندا اعىمداعى جوندەۋ جۇمىستارى اياقتالعان. جاڭا وقۋ جىلىنىڭ باستالۋىنا دايىن. قالعان مەكتەپتەردە اعىمداعى جىلدىڭ 25 تامىزىنا دەيىن بىتەتىنى كۇتىلۋدە، الايدا كونكۋرستىق پروسەدۋرانىڭ كەشىگىپ وتكىزىلۋىنە بايلانىستى كەيبىر مەكتەپتەردە اعىمداعى جوندەۋ جۇمىستارى كەشىگىپ باستالعان»، - دەپ حابارلادى گ.ەرمەكبايەۆا.
سپيكەردىڭ سوزىنشە، جوسپارعا سايكەس تومەندەگى ءبىلىم بەرۋ مەكەمەلەرىنە كۇردەلى جوندەۋ جۇمىستارى جۇرگىزىلۋى اياقتالىپ، بيىلعى وقۋ جىلىنا وقۋشىلاردى قابىلداۋعا دايىندىق جۇرگىزىلۋدە:
№80 جالپى ءبىلىم بەرەتىن مەكتەپ،
ب.مومىش ۇلى اتىنداعى №131 گيمنازيا،
№48 مەكتەپ-گيمنازيا،
№15 مەكتەپ-گيمنازيا،
№141 جالپى ءبىلىم بەرەتىن مەكتەپ،
ءبىلىم يننوۆاسيا ليسەيى.
ورىن تاپشىلىعىن ازايتۋ ماقساتىندا №48 مەكتەپ-گيمنازيادا جانە №148، №112، №9 مەكتەپ-ينتەرناتىندا 920 ورىنعا ارنالعان قوسىمشا جاڭا عيماراتتار سالىنىپ، ىسكە قوسىلدى.
سونىمەن قاتار، ءالى دە كۇردەلى جوندەۋ جۇمىستارى جوسپارعا سايكەس جۇرگىزىلىپ جاتقان وبەكتىلەر بار، ول №127 جانە №70 جالپى ءبىلىم بەرەتىن مەكتەپتەر، جۇمىستاردى بيىلعى جەلتوقسان ايىندا اياقتاۋ جوسپارلانعان.
اپاتتى جاعدايدا دەپ تانىلعان №59 مەكتەپ-گيمنازياسىنىڭ ءبىر وقۋ عيماراتى، سپورت زال جانە اسحانا عيماراتى ءسۇرىلىپ، ورنىنا 300 ورىنعا ارنالعان جاڭا عيمارات جانە ەسكى عيماراتقا قايتا جوندەۋ جۇمىستارىن جۇرگىزۋدە. سونىمەن قاتار اعىمداعى جىلدىڭ شىلدە ايىنان باستاپ №10 مەكتەپ-ينتەرناتقا دا كۇردەلى جوندەۋ جۇمىستارى باستالدى.
گ.ەرمەكبايەۆانىڭ ايتۋىنشا، وسى اتالعان ءبىلىم بەرۋ ۇيىمدارىنىڭ وقۋشىلارىنا جاقىن ماڭايدا ورنالاسقان مەكتەپتەردە جوندەۋ جۇمىستارى اياقتالعانعا دەيىن ءبىلىم الۋعا جاعداي جاسالدى. وقۋشىلاردىڭ ساپالى ءبىلىم الۋىنا ەشقانداي كەدەرگى كەلتىرىلمەيدى.
«وسىعان بايلانىستى، №97 جانە №154 جالپى ءبىلىم بەرەتىن مەكتەپ عيماراتتارىنا كۇردەلى جوندەۋ جۇمىستارىن جۇرگىزىلۋىنە جارامسىز بولعاندىقتان، ءسۇرىلىپ، ورنىنا «جايلى مەكتەپ» جوباسىنىڭ نەگىزىندە جاڭا عيمارات سالۋ جۇمىستارى جوسپارلاندى. سونداي-اق، مونيتورينگ قورىتىندىسى بويىنشا كۇردەلى جوندەۋ جۇمىستارىن جۇرگىزۋ قاجەت دەپ تانىلعان ءبىلىم ۇيىمدارىنىڭ ءتىزىمى جاسالدى»، - دەپ اقپاراتتاندىردى سپيكەر.
مونيتورينگ بارىسىندا انىقتالعانداي، 164 ءبىلىم بەرۋ ۇيىمى جاڭا موديفيكاسيالانعان فيزيكا كابينەتىمەن، 158 ءبىلىم بەرۋ ۇيىمى جاڭا موديفيكاسيالانعان حيميا كابينەتىمەن، 159 ءبىلىم بەرۋ ۇيىمى جاڭا موديفيكاسيالانعان بيولوگيا كابينەتتەرمەن جابدىقتالعان جانە 79 ءبىلىم بەرۋ ۇيىمى زاماناۋي روبوتوتەحنيكا كابينەتتەرىمەن جابدىقتالعان. سونىمەن بىرگە، 56 ءبىلىم بەرۋ ۇيىمىندا جاڭا موديفيكاسيالانعان كابينەت الۋعا كونكۋرستىق راسىمدەر ءجۇرىپ جاتقاندىعى انىقتالدى.
قاۋىپسىزدىككە كەلەتىن بولساق، بارلىق قالالىق ءبىلىم بەرۋ ۇيىمدارى بەينەباقىلاۋ كامەرالارىمەن جابدىقتالعان، كامەرالار مەن دابىل تۇيمەلەرى جەرگىلىكتى پوليسيا بولىمدەرىنە قوسىلعان. سونىمەن قاتار، 120 ءبىلىم بەرۋ ۇيىمدارىندا تۋرنيكەتتەر ورناتىلدى، 94 ءبىلىم بەرۋ ۇيىمدارىندا كونكۋرستىق راسىمدەر وتكىزىلۋدە، سونداي-اق كەيبىر ۇيىمداردا سپورت ينۆەنتارلارىن جاڭارتۋ جانە تولىقتىرۋ قاجەت ەكەنى انىقتالدى.