قالانىڭ ءارتۇرلى اۋداندارىنداعى اشىق الاڭداعى كونسەرتتىك-ويىن-ساۋىق باعدارلامالارىنان بولەك مەگاپوليس تۇرعىندارى مەن قوناقتارىنا قالانىڭ كورنەكتى مادەني نىساندارىندا وتەتىن جاڭا جىلدىق قويىلىمداردى تاماشالاۋعا مۇمكىندىك بار، دەپ حابارلايدى almaty-akshamy.kz
قازاق مەملەكەتتىك سيركىندە 2024 جىلدىڭ 14 قاڭتارىنا دەيىن Golden Dragon باعدارلاماسى وتەدى. كورەرمەندەردىڭ نازارىنا اۋەدەگى ونەر، سيقىرلى قۇبىلۋلار، شيمپانزە-اكروبات، سونداي-اق ەۋروپانىڭ ۇزدىك ارتىستەرى ءوز ونەرىن ۇسىنادى. سيرك قويىلىمى دەمالىس كۇندەرى ساعات 16:00-دە وتەدى. بيلەت قۇنى 1 500 تەڭگەدەن باستالادى.
مەملەكەتتىك قۋىرشاق تەاترىندا «جارقىراي ءتۇس، جاڭا جىل!» اتتى باعدارلاما قويىلىمى باستالدى. جاس كورەرمەندەر مەن ولاردىڭ اتا-انالارىن اياز اتا مەن اقشاقاردان باسقا حاگي-ۆاگي، كيسي-ميسي، تيكتوك، YouTube، Cameraman، TV-man جانە ت.ب سۇيىكتى كەيىپكەرلەرى كۇتەدى.
قويىلىم 24-30 جەلتوقسان ارالىعىندا كۇن سايىن ساعات 16:00-دە، جەكەلەگەن جانە قوسىمشا كورسەتىلىمدەر ساعات 10:00-دە نەمەسە 12:00-دە وتەدى. جاڭا 2024 جىلى باعدارلامانى 7 قاڭتارعا دەيىن ۇزارتۋ جوسپارلانۋدا. بيلەت قۇنى 3 000 تەڭگەدەن باستالادى.
رەسپۋبليكا سارايىندا 27 جانە 28 جەلتوقساندا ساعات 12:00 مەن 17:00-دە «مۇزدى جۇرەك» ويىن-ساۋىق-تانىمدىق باعدارلاماسى وتەدى. كەيىپكەرلەر قىزىقتى شىتىرمانعا تاپ بولادى: ەلەمەنتتەر، ميستيكالىق تۇرعىندارمەن كەزدەسۋ، ەليزانى قۇتقارۋ، سيقىرشىنى جەڭۋ جانە مەريدىڭ جاڭا دوسىنىڭ كوڭىلىنەن شىعۋ. قويىلىم بارىسىندا اكتەرلەر زالعا شىعىپ، ويناپ، بالالارمەن ارالاسادى. بيلەت قۇنى 5 000 تەڭگەدەن 30 000 تەڭگەگە دەيىن.
سونداي-اق، 3 جانە 4 قاڭتاردا رەسپۋبليكا سارايىندا مۇرات مۋتۋرعانوۆتىڭ «ەلىمىزدىڭ ۇزدىك جاڭا جىلدىق شوۋى» قويىلادى. شوۋدا كاسىبي اكتەرلەر، سيرك ارتىستەرى – جونگلەرلەر، اكروباتتار، گيمناستتار، سيقىرشىلار، سايقىمازاقتار، ەكۆيليبريستەر؛ بالەت ارتىستەرى؛ بيشىلەر؛ جارىق شوۋى مەن تالانتتى بالالار ونەر كورسەتەدى. بيلەت قۇنى 2 000 تەڭگەدەن 18 000 تەڭگەگە دەيىن.
سونداي-اق، وتاندىق ەسترادا جۇلدىزدارىنىڭ قاتىسۋىمەن وتەتىن باستى جاڭا جىلدىق كونسەرت 31 جەلتوقسان كۇنى ساعات 22.00-دە استانا الاڭىندا وتەتىنىن ەسكە سالامىز. كىرۋ تەگىن.