الماتى قالالىق سوتىنىڭ 2022 جىلعى 18 ناۋرىزداعى قاۋلىسىمەن الماتى قالاسى اكىمدىگىنىڭ تالاپ ارىزىن قاناعاتتاندىرۋ جانە "شۇعىلا" شاعىناۋدانى، بايتەلى باتىر كوشەسى، 24 مەكەنجايى بويىنشا زاڭسىز سالىنىپ جاتقان 12 قاباتتى كوپ پاتەرلى ءۇيدى بۇزۋ تۋرالى شەشىم قابىلداندى، دەپ حابارلايدى اlmaty-akshamy.kz
«ارت-تەحنوسس» جشس-مەن سوت ءىسى وتكەن جىلدىڭ ماۋسىم ايىنان بەرى جالعاسىپ كەلەدى. بۇعان دەيىن قالا قۇرىلىسىن باقىلاۋ باسقارماسى ازاماتتاردىڭ وتىنىشتەرى نەگىزىندە تەكسەرۋ جۇرگىزگەن بولاتىن. ساۋلەت، قالا قۇرىلىسى جانە قۇرىلىس قىزمەتى سالاسىندا ءبىرقاتار بۇزۋشىلىقتار انىقتالدى، اكىمشىلىك حاتتامالار جاسالدى.
ودان كەيىن الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا «ارت-تەحنوسس» جشس-نە زاڭسىز سالىنىپ جاتقان وبەكتىنى بۇزۋ تۋرالى تالاپ ارىز بەرىلدى.
سوتتىڭ 2021 جىلعى 9 جەلتوقسانداعى شەشىمىمەن تالاپ ارىزدى قاناعاتتاندىرۋدان باس تارتىلدى. وسىدان كەيىن الماتى قالالىق سوتىنا اپەللياسيالىق شاعىم بەرىلدى، 2022 جىلعى 18 ناۋرىزدا تالاپ قاناعاتتاندىرىلدى.