بۇگىن جاندوسوۆ كوشەسى مەن اباي داڭعىلىنىڭ اراسىنداعى اۋماقتا قارعالى وزەنىندەگى سۋدىڭ ءتۇسى وزگەرگەنى بايقالدى. الدىن الا مالىمەتكە سۇيەنسەك، كوپىردەن وزەنگە جاسىل ءتۇستى حيميالىق زات توگىلگەن بولۋى ىقتيمال.
الماتى قالاسىنىڭ ەكولوگيا جانە قورشاعان ورتانى قورعاۋ باسقارماسىنىڭ ماماندارى وقيعا ورنىن تەكسەرىپ شىقتى. زاتتىڭ قۇرامىن انىقتاپ، وزەننىڭ قانشالىقتى لاستانعانىن ءبىلۋ ءۇشىن ەكولوگيا دەپارتامەنتى مەن سانيتاريالىق-ەپيدەميولوگيالىق باقىلاۋ دەپارتامەنتىنىڭ ماماندارى سۋ سىناماسۆن الىپ، زەرتحاناعا جىبەردى.
2025 جىلى 5 تامىز كۇنى الماتى قالاسىنىڭ ەكولوگيا باسقارماسى، ناۋرىزباي اۋدانى اكىمدىگى، ەكولوگيا دەپارتامەنتى، سانيتاريالىق-ەپيدەميولوگيالىق باقىلاۋ دەپارتامەنتى جانە بالقاش-الاكول باسسەيندىك ينسپەكسياسى بىرلەسىپ، بۇل جاعدايدىڭ سەبەبىن جانە كىنالى تۇلعالاردى انىقتاۋ بويىنشا جۇمىستار جۇرگىزبەك.
قازىرگى تاڭدا وزەن ارناسىنداعى سۋ تابيعي ارناسىمەن اعىپ جاتىر، لاستانۋ مەن ءتۇسىنىڭ وزگەرۋ بەلگىلەرى جوق.