الماتىدا پوليسيا قىزمەتكەرلەرى قوعامدىق ءتارتىپتىڭ ساقتالۋىن قامتاماسىز ەتۋ جانە تۇرعىنداردىڭ قاۋىپسىزدىگىن كۇشەيتۋ ماقساتىندا قالاداعى ويىن-ساۋىق ورىندارىندا كەشەندى تەكسەرۋلەر جۇرگىزدى، - دەپ حابارلايدى Aqshamnews.kz.
رەيد بارىسىندا كاليان قولدانۋعا قاتىستى 40-تان استام قۇقىق بۇزۋشىلىق انىقتالىپ، 50-دەن استام كاليان اپپاراتى تاركىلەندى. سونىمەن قاتار ءتيىستى رۇقساتسىز ەڭبەك قىزمەتىن اتقارعان شەتەلدىك ازاماتتار جانە كامەلەتكە تولماعانداردىڭ ويىن-ساۋىق نىساندارىنا زاڭسىز كىرۋ دەرەكتەرى انىقتالدى. بارلىق ماتەريالدار قازاقستان رەسپۋبليكاسىنىڭ زاڭناماسىنا سايكەس ودان ءارى قاراۋ جانە شارا قابىلداۋ ءۇشىن جولداندى.
– 2025 جىل – پروفيلاكتيكا جىلى دەپ جاريالاندى جانە ءبىزدىڭ نەگىزگى مىندەتىمىز – قۇقىق بۇزۋشىلىقتاردىڭ الدىن الۋ، قوعامدىق ءتارتىپتى نىعايتۋ جانە "زاڭ جانە ءتارتىپ" قاعيداتىن ساقتاۋ. ەرەكشە جاۋاپكەرشىلىك ويىن-ساۋىق ورىندارىنىڭ يەلەرى مەن اكىمشىلىگىنە جۇكتەلەدى، ولار قۇقىق بۇزۋشىلىققا جول بەرمەيتىن جاعداي جاساپ، كەلۋشىلەردىڭ قاۋىپسىزدىگىن قامتاماسىز ەتىپ، زاڭ تالاپتارىن قاتاڭ ورىنداۋى ءتيىس. پوليسيا قىزمەتكەرلەرى جۇيەلى تەكسەرۋلەردى جالعاستىرىپ، انىقتالعان قۇقىق بۇزۋشىلىقتارعا قاتاڭ شارا قولداناتىن بولادى. بۇل ءاربىر ازاماتتىڭ ءوزىن ءقاۋىپسىز سەزىنۋى ءۇشىن قاجەت، – دەپ اتاپ ءوتتى الماتى قالاسى پوليسيا دەپارتامەنتىنىڭ قوعامدىق قاۋىپسىزدىك باسقارماسىنىڭ باستىعى اسحات قۇلبايەۆ.