الماتىدا كريمينالدىق پوليسيا قىزمەتكەرلەرى قالا اۋماعىندا پاتەر توناۋمەن اينالىسقان ادامدار توبىنىڭ قىلمىستىق ارەكەتىن اشكەرەلەدى، - دەپ حابارلايدى aqshamnews.kz.
تەرگەۋ مالىمەتىنشە، توپ مۇشەلەرى الدىن الا كەلىسىپ، جۇيەلى تۇردە ارەكەت ەتىپ، تۇرعىن ۇيلەرگە زاڭسىز كىرىپ، ازاماتتاردىڭ باعالى زاتتارى مەن مۇلكىن ۇرلاعان.
- قولعا ءتۇسىرۋ جانە ودان كەيىنگى تەرگەۋ ارەكەتتەرى بارىسىندا كۇدىكتىلەردىڭ قىلمىستىق ارەكەتتەرگە قاتىسى بار ەكەنىن دالەلدەيتىن زاتتاي ايعاقتار تاركىلەندى. ۇرلانعان مۇلىكتىڭ ءبىر بولىگى زاڭدى يەلەرىنە قايتارىلدى، - دەپ حابارلادى پوليسيا.
قازىرگى تاڭدا قىلمىستىق ارەكەتتىڭ بىرنەشە دەرەگى انىقتالدى. ۇستالعانداردىڭ الماتى اۋماعىندا جاسالعان باسقا دا وسىعان ۇقساس قىلمىستارعا قاتىسى بارى تەكسەرىلىپ جاتىر.
اتالعان فاكتىلەر بويىنشا سوتقا دەيىنگى تەرگەپ-تەكسەرۋ جۇمىستارى باستالدى. قاجەتتى تەرگەۋ جانە جەدەل ءىس-شارالارى جۇرگىزىلىپ جاتىر.
- مۇلىكتىك قىلمىستاردىڭ الدىن الۋ جانە جولىن كەسۋ باعىتىنداعى جۇمىس پوليسيانىڭ تۇراقتى باقىلاۋىندا، - دەلىنگەن پوليسيا تاراتقان حابارلامادا.