الماتىدا پارا العان ءبولىم باسشىسىنا سوت ۇكىمى شىقتى

1 ملن تەڭگە پارا العان ءبولىم باسشىسى ءۇش جىلعا سوتتالدى

الماتى قالاسىنداعى قوعامدىق دەنساۋلىق باسقارماسى مەملەكەتتىك ساتىپ الۋ ءبولىمىنىڭ بۇرىنعى باسشىسى جەمقورلىق ارەكەتتەرى ءۇشىن ۇستالدى، دەپ حابارلايدى اlmaty-akshamy.kz.

قالالىق سوتتىڭ باسپا ءسوز قىزمەتىنىڭ مالىمەتىنشە، وعان پارا الدى دەگەن ايىپ تاعىلىپ، ءۇش جىلعا باس بوستاندىعى شەكتەلگەن.

«ءبولىم باسشىسى بىلتىر ماۋسىم ايىندا ناۋقاس بالالارعا ارنالعان دارىلەر مەن مەديسينالىق ماقساتتاعى بۇيىمداردى جەتكىزۋگە مەملەكەتتىك ساتىپ الۋ وتكىزۋ كەزىندە سەرىكتەستىكتەردىڭ بىرىنەن كەلىسىمشارت سوماسىنىڭ 10%-ىن تالاپ ەتكەن. ەگەر ساتىپ الۋشى بۇل شارتقا كەلىسپەسە، ءىستىڭ ناسىرعا شاباتىنىن ايتىپ قورقىتقان. امالى قالماعان سەرىكتەستىك قۇرىلتايشىسى 1 ميلليون تەڭگە كولەمىندە اقشا اۋدارعان»، - دەلىنگەن حابارلامادا.

پارا الۋشىنىڭ كامەلەتتىك جاسقا تولماعان بالالارى بارىن ەسكەرىپ، سوت ونى 3 جىلعا باس بوستاندىعىنان ايىردى. سونداي-اق ءومىر بويى مەملەكەتتىك قىزمەتتە جۇمىس ىستەي المايدى. سوت وتىرىسى كەزىندە ايىپتالۋشى ءوز كىناسىن مويىنداعان جوق.