الماتىدا جۇمىسسىز جاستارعا ارنالعان «CAREER TIME» جالپىقالالىق بوس ورىندار جارمەڭكەسى ءوتتى
«بالۋان شولاق» سپورت كەشەنىندە قالا كوللەدجدەرى مەن جوو تۇلەكتەرى، سونىمەن قاتار جۇمىسسىز جاستارعا ارنالعان قالالىق بوس ورىندار جارمەڭكەسى ءوتتى، دەپ حابارلايدى اlmaty-akshamy.kz.
بوس ورىندار جارمەڭكەسىنە قالاداعى 200-دەن استام جۇمىس بەرۋشى مەن 5 مىڭعا جۋىق ادام قاتىستى. ولار – 35 جوعارى وقۋ ورنىنىڭ، 83 كوللەدجدىڭ تۇلەكتەرى مەن جۇمىسسىز جاستار.
جارمەڭكەگە كەلۋشىلەر ق ر ەڭبەك زاڭناماسىنا سايكەس بىلىكتى مامانداردان تولىق اقپارات الىپ، بۋكلەتتەر مەن جادىنامالار تۇرىندەگى انىقتامالىق-اقپاراتتىق ماتەريالدارمەن تانىستى، سونداي-اق جۇمىسقا ورنالاسۋ بويىنشا جەتەكشى مامانداردىڭ شەبەرلىك دارىسىنەن ءوتتى.