2025 جىلعى 16 قىركۇيەكتە الماتى قالاسىنىڭ اۋماقتىق سايلاۋ كوميسسيالارى جاس جانە بولاشاق سايلاۋشىلارعا ارناپ ەلەكتورالدىق كۆەستەر، ىسكەرلىك جانە زياتكەرلىك ويىندار، دەباتتار ۇيىمداستىردى.
اتالعان شارالار قازاقستان رەسپۋبليكاسى كونستيتۋسياسىنىڭ 30 جىلدىعىنا وراي وتكىزىلىپ، ءتۇرلى ينتەراكتيۆتى جانە ويىن فورماتىندا ءوتتى. جاس بۋىن وكىلدەرى سايلاۋ زاڭناماسى بويىنشا بىلىمدەرىن سىناپ، پىكىر الماستى، سونداي-اق «داۋىس بەرۋ كۇنى» اتتى ىسكەرلىك ويىنى بارىسىندا وزدەرىن سايلاۋ كوميسسياسىنىڭ مۇشەلەرى رەتىندە سىناپ كوردى. جالپى سانى 8 اۋداندىق دەڭگەيدەگى ءىس-شاراعا 660-تان استام جاس جانە بولاشاق سايلاۋشىلار قاتىستى. ءىس-شارالاردىڭ نەگىزگى ماقساتى – جاستاردىڭ قۇقىقتىق مادەنيەتى مەن ازاماتتىق بەلسەندىلىگىن دامىتۋ. الماتى قالاسى دەموكراتيالىق قۇندىلىقتاردى نىعايتىپ، جاستاردى سانالى ازاماتتىق قوعام قۇرۋ ۇدەرىسىنە بەلسەندى تۇردە تارتىپ كەلەدى.
