الماتىدا ق ر سۋرەتشىلەر وداعىنىڭ 90 جىلدىعىنا ارنالعان حالىقارالىق كورمە اشىلدى
ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە ق ر سۋرەتشىلەر وداعىنىڭ 90 جىلدىعىنا ارنالعان حالىقارالىق مەرەيتويلىق كورمەسى اشىلدى.
بۇل – قىرعىزستان، وزبەكستان، گرۋزيا، ءازىربايجان، بەلارۋس، بۋريات، ليتۆا، تاجىكستان، ۋكراينا، مولدوۆا سۋرەتشىلەر وداعى وكىلدەرىنىڭ قاتىسۋىمەن ق ر سۋرەتشىلەر وداعىنىڭ كەيىنگى جىلدارى ۇيىمداستىرعان قازاقستاننىڭ كەسكىندەمە، گرافيكا، ءمۇسىن جانە ساندىك-قولدانبالى ونەرىنىڭ ەڭ وكىلدى كاسىبي فورۋمى.
ق ر سۋرەتشىلەر وداعىنىڭ حالىقارالىق مەرەيتويلىق كورمەسىندە ەلىمىزدىڭ وڭىرلەرىنەن كەلگەن 250-دەن استام كاسىبي وتاندىق سۋرەتشىلەردىڭ، سونداي-اق وزگە مەملەكەتتەر سۋرەتشىلەرىنىڭ 2022-2023 جىلدارى ورىنداعان تۋىندىلارىن ۇسىندى. كورمەدە زاماناۋي ونەردىڭ بارلىق جانرى مەن ستيلدەرى كورسەتىلگەن. ايتپاقشى، شەتەل سۋرەتشىلەرىنىڭ (قىرعىزستان، وزبەكستان، ءازىربايجان، گرۋزيا جانە ت.ب.) تۋىندىلارى كورمەدەن سوڭ قاستەيەۆ مۋزەيىنىڭ قورىندا قالادى.
قازاقستاندىق بەينەلەۋ ونەرى مەكتەبىنىڭ داستۇرلەرىنە كەلەر بولساق، ادالدىق، قوندىرعىلى ونەر، كوركەمونەر وبەكتىلەرى مەن ءمۇسىن سالاسىنداعى باتىل تاجىريبەلەر سىنشىلارعا دا، كورەرمەندەرگە دە زاماناۋي ونەردىڭ الۋان تۇرلىلىگىن باعالاۋدا جاڭا سەرپىن بەرەدى. جاڭا تاقىرىپتار، ەلەۋلى كاسىبي جەتىستىكتەرمەن نىعايتىلعان شىعارماشىلىق مىندەتتەردىڭ ستاندارتتى ەمەس شەشىمدەرى الداعى مەرەيتويلىق كورمەدە قازاقستاندىق سۋرەتشىلەر ونەرىنىڭ باعالى جاقتاۋىن قۇرايدى، – دەيدى كورمە جەتەكشىسى گۇلنار جۇبانيازوۆا.
ەكسپوزيسيا 7 جەلتوقسانعا دەيىن جالعاسادى.