جەدەل جاعدايدى تۇراقتاندىرۋ، كامەلەتكە تولماعاندار اراسىنداعى قىلمىستىڭ جولىن كەسۋ، سونداي-اق بالالاردىڭ قاداعالاۋسىز جانە پاناسىز قالۋىنىڭ، بالالار ەڭبەگىن پايدالانۋدىڭ الدىن الۋ ماقساتىندا الماتى قالاسىنىڭ تۇركسىب جانە جەتىسۋ اۋداندارىندا جەرگىلىكتى ءىس-شارا جۇرگىزىلدى، دەپ حابارلايدى aqshamnews.kz Polisia.kz-كە سىلتەمە جاساپ.
– نەگىزگى ماقسات – كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ جانە ەسكەرتۋ، قاراۋسىز قالعان جانە پاناسىز قالعان كامەلەتكە تولماعانداردى، ولاردىڭ تۇنگى ۋاقىتتا زاڭدى وكىلدەرىنىڭ ەرىپ ءجۇرۋىنسىز ويىن-ساۋىق مەكەمەلەرىندە نەمەسە ۇيدەن تىس جەردە بولۋىن، كامەلەتكە تولماعانداردى قۇقىق بۇزۋشىلىقتار جاساۋعا تارتاتىن ەرەسەكتەردى انىقتاۋ، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
ءىس-شارانى ۇيىمداستىرۋشىلاردىڭ ايتۋىنشا، تۇندە 31 جاستار جينالاتىن ورىن، 20 مەيرامحانا، ءدامحانا، بار، تۇنگى كلۋب، سونداي-اق 6 كومپيۋتەرلىك كلۋب تەكسەرىلدى. ناتيجەسىندە 29 كامەلەتكە تولماعان ءجاسوسپىرىم ۇستالىپ، پوليسياعا جەتكىزىلدى، ونىڭ 5ء-ى تۇنگى دەمالىسىن ويىن زالدارىندا وتكىزگەن. جاسوسپىرىمدەردىڭ اتا-انالارىنا «زاڭ مەن ءتارتىپ» قاعيداتىن ىسكە اسىرۋ بويىنشا شارالار قابىلداندى.