وقيعا ءسۇيىنباي داڭعىلىنىڭ بويىندا بولعان.
وتكەن تۇندە الماتىداعى ءسۇيىنباي داڭعىلىنىڭ بويىندا №13 اسكەري قالاشىق ماڭىندا جول-كولىك وقيعاسى بولدى، دەپ حابارلايدى اlmaty-akshamy.kz.
الماتى پوليسيا دەپارتامەنتىنىڭ باسپا ءسوز قىزمەتى حابارلاعانداي، وقيعا كەشە تۇندە ءسۇيىنباي داڭعىلىنىڭ بويىندا، 13-اسكەري قالاشىق ماڭىندا بولعان.
«BMW كولىگىنىڭ جۇرگىزۋشىسى ءسۇيىنباي داڭعىلىنىڭ بويىمەن وڭتۇستىككە قاراي كەلە جاتقان. شاماسى جۇرگىزۋشى رولگە يە بولا الماي قالعان. كولىك سىرعاناپ، اعاشقا سوعىلدى. سودان كەيىن ينەرسيامەن شام باعاناسىنا سوقتىعىستى»، - دەدى الماتى پوليسيا دەپارتامەنتىنىڭ رەسمي وكىلى سالتانات ازىربەك.
2004 جىلى تۋعان جۇرگىزۋشى اۋىر جاراقات العان. ونى جەدەل جاردەم بريگاداسى 4-قالالىق اۋرۋحاناعا جەتكىزگەن. ال 17 جاستاعى جولاۋشى العان جاراقاتى سالدارىنان وقيعا بولعان جەردە مەرت بولدى.
تەرگەۋ جۇمىستارىمەن الماتى پوليسيا دەپارتامەنتى انىقتاۋ باسقارماسىنىڭ قىزمەتكەرلەرى اينالىسىپ جاتىر.