«Almaty» تەلەارناسى كورەرمەندەرگە جاڭا تەلەماۋسىمدا جاڭا باعدارلامالار ۇسىنۋعا دايىن، دەپ حابارلايدى almaty-akshamy.kz
ناۋرىزعا ارناپ تەلەارنا جارقىن ءارى رۋحتى باعدارلامالار دايىنداپ وتىر. ولاردىڭ ىشىندە «ءبىرجان-سارا ىزىمەن» ايتىسىنىڭ جالعاسى، «الماتى ءان قاناتىندا»، كورەرمەن كوزايىمىنا اينالعان مۋزىكالىق شوۋ «جۇلدىزدى كاراوكە»، «كەشكى الماتى» سياقتى باعدارلامالار بار.
مەملەكەت باسشىسى قاسىم-جومارت توقايەۆ «ەگەمەن قازاقستان» گازەتىنە بەرگەن كولەمدى سۇقباتىندا ناۋرىز مەرەكەسىنىڭ قازاقستاندىقتار ءۇشىن قانشالىقتى ماڭىزدى ەكەنىن اتاپ كورسەتتى.
«ناۋرىز - جاڭارۋدىڭ بەلگىسى، سوندىقتان ونى جاڭاشا: ەرەكشە ءبىر ەلەمەنتتەر ەنگىزىپ، ماعىنالى، كرەاتيۆتى تۇردە تويلاۋ كەرەك. بۇل قوعامنىڭ بىرىگۋىنە، ءبىزدىڭ ۇلتتىق بىرەگەيلىگىمىزدى نىعايتۋعا ىقپال ەتەرىنە سەنىمدىمىن»، - دەگەن ەدى ەل پرەزيدەنتى.
كوكتەم مەن جاڭارۋ مەرەكەسىنىڭ قۇرمەتىنە تەلەارنا ءبىرقاتار وتاندىق كينو جانە انيماسيا ونىمدەرىن دايىندادى. سونىمەن قاتار، كورەرمەندەر ءۇشىن سىيلىق ۇتىپ الۋ سياقتى كوپتەگەن توسىنسىيلار بار.