2024 جىلدىڭ اياقتالۋىنا دا ساناۋلى كۇندەر قالدى. ادەتتەگىدەي، وسى كەزەڭدە الماتىلىقتار وتكەن جىلدىڭ ماڭىزدى وقيعالارىنا كوز جۇگىرتىپ، ەستە قالعان ساتتەردى ەسكە الادى. 2024 جىل الماتى ءۇشىن ەرەكشە تابىستى بولدى. قالانىڭ ينفراقۇرىلىمى مەن الەۋمەتتىك سالاسىندا بىرنەشە ماڭىزدى وزگەرىستەر ورىن الىپ، مەگاپوليس تۇرعىندارى جاڭا مۇمكىندىكتەر مەن جەتىستىكتەردى اتاپ وتۋدە. تومەندە الماتىنىڭ بيىلعى نەگىزگى جەتىستىكتەرىن سارالاپ بەرگەن شاھار تۇرعىندارىنىڭ پىكىرلەرىن جاريالاپ وتىرمىز.
اۋەجاي تەرمينالى
تۋريزم سالاسىنىڭ مامانى ءايىمبيبى نۇرماشيەۆا الماتى حالىقارالىق اۋەجايىنىڭ جاڭا تەرمينالىنىڭ اشىلۋىن ەرەكشە اتاپ ءوتتى. بۇل جوبا قالانىڭ حالىقارالىق بەدەلىن ارتتىرىپ، تۋريستەر اعىنىن كوبەيتۋگە مۇمكىندىك بەرەدى. زاماناۋي تالاپتارعا ساي سالىنعان عيمارات كەڭدىگىمەن، ينكليۋزيۆتى قىزمەتتەرىمەن جانە جوعارى ساپالى ينفراقۇرىلىمىمەن ەرەكشەلەنەدى. بۇل – ەلدىڭ دامىعان جانە يننوۆاسيالىق بولاشاعىن كورسەتەتىن تاعى ءبىر ماڭىزدى قادام.
جاستارعا قولداۋ
الماتىنىڭ ستۋدەنتتەرى ءۇشىن 2024 جىل جاعىمدى جاڭالىقتارمەن ەستە قالدى. جۇرگەنوۆ اكادەمياسىنىڭ 2-كۋرس ستۋدەنتى ايىم داۋرەن قىزى جاستاردى جاتاقحانالارمەن – ستۋدەنتتەر ۇيلەرىندە بولمەلەرمەن قامتاماسىز ەتۋ، ستيپەنديانىڭ ءوسۋى جاستارعا ايتارلىقتاي قولداۋ بولاتىنىن اتاپ ءوتتى. بۇل وزگەرىس ستۋدەنتتەردى ءبىلىم الۋعا ىنتالاندىرىپ، جاقسى ناتيجەلەرگە جەتۋگە يتەرمەلەيدى. جاستاردى قولداۋ – بولاشاققا سالىنعان ەڭ ۇلكەن ينۆەستيسيا.
سون قىزمەتى جانە
"حالىق قاتىساتىن بيۋدجەت" جوباسى
زەينەتكەر داۋلەت وسەرحان ۇلى مەملەكەتتىك قىزمەت كورسەتۋدىڭ جەڭىلدەگەنىن ايتىپ، العىس ءبىلدىردى. بۇرىن قۇجاتتاردى جيناۋ مەن راسىمدەۋ كۇردەلى جانە ۇزاق ۋاقىتتى قاجەت ەتسە، بۇگىندە بۇل پروسەسس «ءبىر تەرەزە» قاعيداسى بويىنشا تەز ءارى ساپالى جۇزەگە اسىرىلادى. زەينەتكەرلەردىڭ جۇيكە جۇيەسىن ساقتاي وتىرىپ، قىزمەت كورسەتۋ مادەنيەتىنىڭ ارتقانى – الەۋمەتتىك رەفورمالاردىڭ ناتيجەسى. سونداي-اق، زەينەتكەر الماتى قالاسى اكىمدىگىنىڭ "حالىق قاتىساتىن بيۋدجەت" جوباسىنىڭ تۇرعىنداردىڭ جايلى تۇرمىسى ءۇشىن، شاھاردىڭ كوركى مەن تازالىعى ءۇشىن ماڭىزىن ەرەكشە اتاپ ءوتتى.
ءبىلىم سالاسىنداعى سەرپىلىس
جاس مامان بەيبىت مۇرات ۇلى الماتىدا جاڭا مەكتەپتەردىڭ اشىلۋىن اسىعا كۇتۋدە. بۇل باستاما مەكتەپتەردەگى ورىن تاپشىلىعىن جويۋعا، ساپالى ءبىلىم بەرۋدى قامتاماسىز ەتۋگە جانە پەداگوگتارعا قوسىمشا جۇمىس ورىندارىن ۇسىنۋعا ىقپال ەتەدى. سونىمەن قاتار، جاڭا ءبىلىم بەرۋ ورىندارىنىڭ زاماناۋي جابدىقتارمەن قامتاماسىز ەتىلەتىنى ساپالى وقىتۋ پروسەسىنىڭ نەگىزگى فاكتورىنا اينالماق.
كوكتوبەنىڭ جاڭا كەلبەتى
قالا تۇرعىندارى كوك-توبە تەلەمۇناراسىنىڭ ەرەكشە جارىقتاندىرىلعانىن ماقتانىشپەن اتاپ ءوتتى. كاسىپكەر ەرمۇرات قاجىمۇرات تەلەمۇنارانىڭ قالاعا زاماناۋي ءارى يننوۆاسيالىق رەڭك بەرگەنىن جەتكىزدى. بۇل تەك ارحيتەكتۋرالىق شەشىم عانا ەمەس، سونىمەن قاتار مەگاپوليستىڭ جاڭا سيمۆولىنا اينالدى. الەۋمەتتىك جەلىلەردە بۇل كورىكتى ورىننىڭ فوتوسۋرەتتەرى ۇلكەن قىزىعۋشىلىق تۋدىرۋدا.
"ۇزاق ءومىر ءسۇرۋ ورتالىعى" جوباسى
جانە تەگىن Wi-Fi
زەينەتكەر سالتانات رىسبەك قىزى الماتى مەتروسىنداعى تەگىن Wi-Fi جەلىسىنىڭ قالا تۇرعىندارى مەن قوناقتارىنا ۇلكەن جەڭىلدىك اكەلگەنىن ايتتى. ەندى كەز كەلگەن جولاۋشى مەترو ستانسياسىندا ينتەرنەتكە قوسىلىپ، قاجەتتى اقپاراتتى وڭاي تابا الادى. بۇل قادام مەگاپوليستىڭ سيفرلاندىرۋ سالاسىنداعى جەتىستىگىن كورسەتەدى. زەينەتكەر سونداي-اق قالا اكىمدىگى ۇيىمداستىرعان تەگىن ۇزاق ءومىر ءسۇرۋ ورتالىقتارىنىڭ زەينەتكەرلەر ءۇشىن ماڭىزى مەن وتە تيىمدىلىگىن اتاپ ءوتىپ، قالا باسشىلارىنىڭ ۇتىمدى جوباسىنا ريزاششىلىعىن ءبىلدىردى.
2024 جىل الماتى ءۇشىن جاڭا بەلەستەردى باعىندىرعان تابىستى جىل بولدى. اۋەجاي تەرمينالىنان باستاپ جاڭا مەكتەپتەر مەن قوعامدىق كولىك قىزمەتىنە دەيىنگى وزگەرىستەر قالا تۇرعىندارىنىڭ ءومىر ساپاسىن ارتتىرىپ، بولاشاققا سەنىم ۇيالاتادى. بۇل جەتىستىكتەر – قالانىڭ دامۋ قارقىنىن جانە تۇرعىنداردىڭ مەگاپوليسكە دەگەن ماقتانىشىن دالەلدەيدى. الماتى الداعى جىلداردا دا وسىپ-وركەندەي بەرەتىنى ءسوزسىز.