بۇگىن تاڭەرتەڭ الماتى قالاسى مەدەۋ اۋدانىندا، تەڭىز دەڭگەيىنەن 3630 مەتر بيىكتىكتە ورنالاسقان مىڭجىلقى شىڭىندا تجم قۇتقارۋشىلارى زارداپ شەككەن ءالپينيستى ەۆاكۋاسيالادى، - دەپ حابارلايدى Aqshamnews.kz.
ق ر توتەنشە جاعدايلار مينيسترلىگى باسپا ءسوز قىزمەتىنىڭ حابارلاۋىنشا، 23ء-شى امبەباپ قۇتقارۋ بولىمشەسىنە الپينيزم نۇسقاۋشىسىنان 59 جاستاعى ەر ادام اياعىن جاراقاتتاپ العانى جانە بيىك تاۋلى جەرلەردەن وزدىگىنەن جۇرە الماي جاتقاندىعى تۋرالى حابارلاما كەلىپ ءتۇستى.
وقيعا ورنىنا شۇعىل كومەك كورسەتۋ ءۇشىن 23ء-شى امبەباپ بولىمشەنىڭ قۇتقارۋشىلار ەكيپاجى، سونداي-اق اپاتتار مەديسيناسى ورتالىعىنىڭ رەانيموبيلى جەدەل تۇردە جىبەرىلدى. قۇتقارۋشىلار قىسقا مەرزىم ىشىندە مىڭجىلقى شىڭىنا جەتىپ، زارداپ شەككەن ادامعا العاشقى مەديسينالىق كومەك كورسەتىپ، ونى ەۆاكۋاسيالادى.
- اپاتتار مەديسيناسى ورتالىعىنىڭ رەانيموبيلى تاۋلىك بويى جۇمىس ىستەيدى جانە شىمبۇلاق تاۋ شاڭعىسى كۋرورتىنىڭ جانىندا كەزەكشىلىك ەتەدى، - دەلىنگەن حابارلامادا.