تۋرنير 16 جوعارى وقۋ ورنى ستۋدەنتتەرىنىڭ اراسىندا ءوتتى.
قازاق ۇلتتىق قىزدار پەداگوگيكالىق ۋنيۆەرسيتەتىندە توعىزقۇمالاقتان«ماڭگىلىك جادىمدا سەن – جەلتوقسان 86» اتتى رەسپۋبليكالىق جەكەلەي اشىق تۋرنير ءوتتى، دەپ حابارلايدى aqshamnews.kz
جارىس جاستار اراسىندا ۇلتتىق ويىندى ناسيحاتتاۋ، تانىمالدىلىعىن ارتتىرۋ، سونداي-اقتاۋەلسىزدىك جولىنداعى جەلتوقسان وقيعاسىنىڭ تاريحي ماڭىزىن دارىپتەۋ ماقساتىندا ۇيىمداستىرىلدى. تۋرنير الماتى قالاسى اكىمدىگى، الماتى قالاسى توعىزقۇمالاق فەدەراسياسى جانە قازاق ۇلتتىق قىزدار پەداگوگيكالىق ۋنيۆەرسيتەتىنىڭ بىرلەسكەن ۇيىمداستىرۋىمەن ءوتتى.
«جەلتوقسان كوتەرىلىسىنىڭ كۇرەسكەرلەرىنەتاعزىم رەتىندە بۇگىن توعىزقۇمالاق ويىنى ۇيىمداستىرىلىپ وتىر. جىل سايىن «ماڭگىلىكجادىمدا سەن – جەلتوقسان 86» دەگەن اتاۋمەن قازاقتىڭ ۇلتتىق ويىندارىنان وسىنداي جارىس وتكىزىلىپ وتىرادى. سەبەبى 86 جىلعى كوتەرىلىسشىلەر ەل تاۋەلسىزدىگى ءۇشىن كۇرەسىپ قانا قويماي، ۇلتتىق سپورتتىڭ وركەندەۋىنە دە زورۇلەسىن قوستى. ءبىزدى ۇمىت قالدىرماي، ۇنەمىوسىنداي قۇرمەت كورسەتىلەتىنى ءۇشىن وتە قۋانىشتىمىز»، – دەدى رەسپۋبليكالىق «جەلتوقسان – 86 تاۋەلسىزدىك قىراندارى» حالىق قاھارماندارى قوزعالىسىنىڭ ءتورايىمى ءجۇنىس گۇلباحرام ەسمۇرات قىزى.
تۋرنير ق ر تۋريزم جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى بەكىتكەن «توعىزقۇمالاق قاعيداسىنا» سايكەس وتكىزىلدى. جەڭىمپازدارعا ارنايى گراموتا، مەدال، كۋبوك جانە باعالى سىيلىقتار تابىستالدى. سونىمەن قاتار شارا بارىسىندا الماتى قالاسىتوعىزقۇمالاق فەدەراسياسىنىڭ پرەزيدەنتى اكىمتۇرسىن ۇلتتىق ويىننىڭ دامۋىنا ۇلەس قوسقاندارعا جانە جارىسقا ۇزدىك شاكىرتتەر دايىنداعاندارعا العىس حات تابىستادى.
«قاتىسۋشىلار ۇزدىك ويىن كورسەتتى. بولاشاقتا الەمدى باعىندىرار سپورتشىلارىمىزدىڭ ءبىرى بولادى دەپ ۇمىتتەنەمىز. ساتتىلىك تىلەيمىن»، – دەدى الماتى قالاسى توعىزقۇمالاق فەدەراسياسىنىڭ ديرەكتورى، باس تورەشى قالدىبايەۆ ازامات.
تارتىستى ويىندا جەڭىسكە جەتكەن اباي اتىنداعى قازاق ۇلتتىق پەداگوگيكالىق ۋنيۆەرسيتەتى، «قازاق ءتىلى مەن ادەبيەت ءمۇعالىمى» ءبىلىم بەرۋ باعدارلاماسىنىڭ 1 كۋرس ستۋدەنتى نۇراي عاني قىزى ءوز قۋانىشىمەن ءبولىستى: «ۋنيۆەرسيتەتتەر اراسىندا وتكەن بۇگىنگى جەكەلەي اشىق تۋرنيردە مەن ءى ورىندى يەلەندىم. قۋانىشىمدا شەك جوق. ۇيىمداستىرۋشىلارعا راقمەت».
توعىزقۇمالاق ويىنى – قازاق حالقىنىڭ تەرەڭتاريحي تامىرىنان ءنار الىپ، ۇرپاقتان-ۇرپاققا جالعاسىپ كەلە جاتقان ۇلتتىق قۇندىلىقتاردىڭ ءبىرى. بۇل زياتكەرلىك ويىن تەك ءداستۇرىمىزدى ناسيحاتتاپ قانا قويماي، جاستاردىڭ وي-ءورىسىن دامىتۋعا دا ىقپال ەتەدى.