الماتى اكىمى ەربولات دوسايەۆتىڭ وكىمىمەن الماتى قالاسى ەكولوگيا جانە قورشاعان ورتا باسقارماسىنىڭ باسشىسى لاۋازىمىنا ميراس گايسين تاعايىندالدى، دەپ حابارلايدى aqshamnews.kz
ميراس گايسين 1987 جىلى الماتى قالاسىندا تۋىلعان. ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىن قۇقىقتانۋ ماماندىعى بويىنشا بىتىرگەن.
ەڭبەك جولىن 2008 جىلى الماتى قالاسى اكىمدىگىنىڭ تۇرعىن ۇي-كوممۋنالدىق شارۋاشىلىق ءبولىمىنىڭ مامانى رەتىندە باستاعان. كەيىنگى جىلدارى الماتى جانە استانا قالالارى اكىمدىكتەرىنىڭ تابيعي رەسۋرستار باسقارمالارىندا ءارتۇرلى باسشىلىق قىزمەتتەر اتقاردى. 2023 جىلدان - الماتى قالاسى ەكولوگيا جانە قورشاعان ورتا باسقارماسى باسشىسىنىڭ ورىنباسارى.