الماتىدا تۇنگى ۋاقىتتا قار تازالاۋ جۇمىستارىنىڭ بارىسىن تەكسەرۋ ماقساتىندا الماتى قالاسى اكىمىنىڭ ورىنباسارى الماسحان سماتلايەۆ اۋدان اۋماقتارىن ارالادى.
ماگيسترالدى كوشەلەر، اۋلا ىشىلىك اۋماقتار جانە قوعامدىق كولىك باعىتتارى قارالدى. اۋلالارداعى تەحنيكانىڭ جۇمىسىنا، الەۋمەتتىك نىساندارعا كىرەبەرىستەردى تازالاۋعا جانە قار ماسساسىن شىعارۋعا ەرەكشە نازار اۋدارىلدى.
مەردىگەر ۇيىمدار مەن اۋدان اكىمدىكتەرىنە تۇنگى اۋىسىمداردى كۇشەيتۋ، ارنايى تەحنيكانىڭ ءوتۋىن قامتاماسىز ەتۋ جانە تۇرعىنداردىڭ وتىنىشتەرىنە جەدەل ارەكەت ەتۋ تاپسىرىلدى. كوممۋنالدىق قىزمەتتەر تاۋلىك بويى جۇمىس ىستەۋدە. قالانى تازالاۋ جۇمىستارى قاردىڭ سالدارى تولىق جويىلعانعا دەيىن جالعاسادى.