قازىرگى ۋاقىتتا پروسەسسۋالدىق شەشىم قابىلداۋ ءۇشىن ءبىرقاتار ساراپتامالار تاعايىندالدى.
الماتى وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ەڭبەكشىقازاق اۋدانى پب ۋچاسكەلىك پوليسيا ينسپەكتورلارىمەن بىرلەسىپ، بولەك اۋىلىنىڭ اۋماعىندا جەدەل-ىزدەستىرۋ ءىس-شارالارىن جۇرگىزۋ كەزىندە سينتەتيكالىق ەسىرتكى قۇرالدارىن وندىرگەن زەرتحانانى انىقتادى، دەپ حابارلايدى Almaty-akshamy.kz
«6 ناۋرىزدا ارنايى وپەراسيا جۇرگىزۋ كەزىندە قاراعاندى وبلىسىنىڭ تۋماسى، 29 جاستاعى كۇدىكتى ۇستالدى. ءتىنتۋ بارىسىندا ءۇي اۋماعىنان شىنى كولبالار تۇرىندەگى جابدىقتار، كريستالدى نىسانداعى اق ءتۇستى زاتتارى بار ناۋالار جانە پرەكۋرسورلارى بار 15 كانيستر تابىلدى جانە تاركىلەندى. اتالعان دەرەك ق ر قك-نىڭ 297-بابىنىڭ 3-بولىگىنىڭ بەلگىلەرى بويىنشا ەڭبەكشىقازاق اۋدانى پوليسيا باسقارماسىنىڭ سدتبت-دا تىركەلدى. كۇدىكتى ۋاقىتشا ۇستاۋ يزولياتورىنا قاماققا الىندى»، – دەپ حابارلادى الماتى وبلىسى پد باستىعى باۋىرجان الەنوۆ.
سونداي-اق پوليسيا ۇستالعان ادامنىڭ 2022 جىلدىڭ جەلتوقسان ايىنىڭ باسىندا Telegram ارناسىندا ەسىرتكى وندىرۋمەن بايلانىستى جۇمىس ۇسىنعان بەلگىسىز اداممەن تانىسقانىن اتاپ ءوتتى. اتالعان ۇسىنىسقا كەلىسىپ، 2022 جىلدىڭ جەلتوقسان ايىنىڭ سوڭىندا الماتى وبلىسىنىڭ اۋماعىنا كەلگەن. 2023 جىلدىڭ قاڭتارىنان باستاپ ول بولەك اۋىلىنا قونىستانىپ، ءوزىنىڭ زاڭسىز قىزمەتىن جۇزەگە اسىرعان.