وتاندىق عالىمدار بيوگاز كەشەنىن ىسكە قوستى
عالىمدار ويلاپ تاپقان قۇرىلعى ارقىلى تاۋلىگىنە 16 توننا بيوتىڭايتقىش جانە 30 تەكشە مەتر بيومەتان شىعارىلادى. سونداي-اق گازدىڭ كومەگىمەن ەلەكتر ەنەرگياسىن ۇنەمدەۋگە بولادى. جوبانىڭ تاعى ءبىر ەرەكشەلىگى – ونىڭ قولجەتىمدىلىگى. سەبەبى كەشەنگە قاجەتتى ماتەريالداردىڭ 80 پروسەنتى ءوز ەلىمىزدە جاسالعان، دەپ حابارلايدى Almaty-akshamy.kz 24.kz-كە سىلتەمە جاساپ.
الماتى وبلىسى ەلتاي ەلدى مەكەنىندە اشىلاعان «ءموبيلدى اۆتوماتتاندىرىلعان بيوگاز كەشەنى» اۋىل شارۋاشىلىعىنىڭ دامۋىنا عانا ەمەس ەكولوگيانىڭ تازارۋىنا دا ءوز ۇلەسىن قوسادى. ويتكەنى مالدىڭ بيوقالدىقتارىنان بولىنەتىن مەتان اۋانىڭ لاستانۋىنا اكەپ سوعادى. سونداي-اق سوڭعى ۋاقىتتارى قولدانىپ جۇرگەن حيميالىق تىڭايتقىشتار جەردىڭ قۇنارلىعىن قۇرتادى دەيدى ماماندار.
«مالدىڭ تىرىدەي بيوماسساسىن جەرگە سەبەتىن بولساڭ، ول شىرىمەيىنشە، ونىڭ ىشىندە ارامشوپتەر قاپتايدى. ياعني مالدىڭ جەگەن ءشوبىنىڭ داندەرى ولمەيدى. مىنا جەردە داندەر تولىققاندى ءولىپ، ءارامشوپ شىقپايدى. جىلىجايلارعا تولىققاندى قولدانۋعا بولادى»، - دەيدى جوبانىڭ باس ينجەنەرى سالاۋات داۋىلبايەۆ.
گاز الۋ ءۇشىن ءىرى قارانىڭ قالدىقتارى سۋمەن ارالاستىرىلىپ، ارنايى مەتاندىق باكتەريا قوسىلعان رەاكتورعا قۇيىلادى. 18 كۇننەن كەيىن تولىققاندى بيوگاز پايدا بولادى. ال قالعان بيوماسسا تازارتىلىپ، تىڭايتقىش جاسالادى. وسىلايشا فەرمەرلەر قوسىمشا پايدا تابا الادى.
«عىلىم قورى قارجىلاندىرىپ وتىرعان جوبا. وڭتۇستىك وبلىستاردا ءبىر ايماقتا ەكى رەتتەن، ءۇش رەتتەن ءونىم الادى. مىنە، وسى جاعدايلاردىڭ بارىنە تىڭايتقىش قاجەت بولىپ وتىر. ونىڭ ۇستىنە قازىرگى زاماندا تىڭايتقىشتاردىڭ باعاسى كوتەرىلۋدە. نەمەسە حيميالىق تىڭايتقىشتار»، - دەيدى جوبا جەتەكشىسى ەدىلحان امىرعالييەۆ.
ءبىزدىڭ ۇسىنىپ وتىرعانەىمىز تازا بيولوگيالىق تىڭايتقىشتار. بۇل جوبانى ماماندار وتاندىق قۇرال-جابدىقتاردى پايدالانا وتىرىپ جۇزەگە اسىرعان. ءۇش جىل سىناقتان وتكەن سوڭ، بيوگاز كەشەنى كوممەرسيالاندىرىلا باستايدى. ازىرشە تاۋلىگىنە 16 توننا بيوتىڭايتقىش پەن 30 تەكشە مەتر بيوگاز ءوندىرۋ جوسپارلانۋدا. جوبا جەتەكشىلەرى بۇل كورسەتكىشتى بولاشاقتا بىرنەشە ەسە ۇلعايتۋدى كوزدەيدى. سول كەزدە شەتەلدىك كومپانيالارعا ەشقانداي تاۋەلدىلىك بولمايدى دەپ وتىر.