الماتى قالاسى ءبىلىم باسقارماسىنىڭ قالالىق ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعىنىڭ باستاماسىمەن «Alem» ناۋرىزباي اۋداندىق وقۋشىلاردىڭ يننوۆاسيالىق شىعارماشىلىق ورتالىعىندا قازاق ءتىلى مەن ادەبيەتى ءپانى مۇعالىمدەرىنىڭ اراسىندا وڭىرلىك كاسىبي «بابالار اماناتى» بايقاۋى ءوتتى.
«بايقاۋ ماقساتى – اتاۋلى كۇندەردى جانە مەرەيتوي يەلەرىنىڭ مۇرالارىن ناسيحاتتاۋ، تاريحقا قۇرمەتپەن قاراپ، تاعىلىمىن دارىپتەۋ. وعان الماتى قالاسىنىڭ 8 اۋدانىنان (الاتاۋ، المالى، اۋەزوۆ، بوستاندىق، جەتىسۋ، مەدەۋ، ناۋرىزباي، تۇركسىب)، الماتى وبلىسىنىڭ قونايەۆ قالاسى مەن ىلە، قاراساي، رايىمبەك اۋداندارىنان، تۇركىستان وبلىسىنىڭ تۇلكىباس اۋدانىنان، جەتىسۋ وبلىسى، شىمكەنت قالاسى جانە جامبىل وبلىسىنان مۇعالىمدەر قاتىستى. وزا شاپقان ارىپتەستەردىڭ ءبارىنىڭ ەڭبەگى سالماقتى، ۇرپاققا بەرەرى بار»، – دەيدى اباي اتىنداعى ۇلتتىق پەداگوگيكالىق ۋنيۆەرسيتەتىنىڭ فيلولوگيا عىلىمدارىنىڭ كانديداتى، دوسەنت ەرسايىن مولداسانوۆ.
بايقاۋدىڭ جەڭىمپازدارى الماتى قالاسى ءبىلىم باسقارماسىنىڭ ءى، ءىى، ءىىى دارەجەلى ديپلومدارىمەن، ەستەلىك ستاتۋەتكالارمەن، كىتاپتارمەن ماراپاتتالدى.
قازاقتىڭ ۇلى اقىنى اباي (يبراھيم) قۇنانباي ۇلىنىڭ 180 جىلدىعىنا وراي وتكەن «اقىننىڭ قالامى – ادالدىق الاڭى» سايىسىندا ءى ورىن №145 مەكتەپ-گيمنازيانىڭ قازاق ءتىلى مەن ادەبيەتى ءپانى مۇعالىمىنە بۇيىردى.
ال «ايتسىن دەپ اقيقاتتى ءتىلدى بەرگەن» اقىندار ايتىسى قازاق پوەزياسىنىڭ الىبى، اقىن، ۇلى جىرشى جامبىل جابايەۆتىڭ 180 جىلدىعىنا ارنالعان بولاتىن. ونىڭ جۇلدەلى ءى ورنىن قاراساي اۋدانى ى.التىنسارين اتىنداعى ورتا مەكتەپتىڭ قازاق ءتىلى مەن ادەبيەتى ءپانى ءمۇعالىمى تۇرسىن شىناربەك يەلەندى.
«ءبىر شىعارما ىزىمەن» ادەبي سايىسىنىڭ (حالىق قاھارمانى، جازۋشى باۋىرجان مومىش ۇلىنىڭ 115 جىلدىعىنا وراي وتكەن ءىس-شارادا) ءى ورنىن №69 جالپى ءبىلىم بەرەتىن مەكتەپتىڭ قازاق ءتىلى مەن ادەبيەتى ءپانى ءمۇعالىمى شىڭعىس قاسىمباي الدى.
«عالىمنىڭ حاتى ولمەيدى» سايىسى كورنەكتى اعارتۋشى، تاريحشى، پۋبليسيست، گەوگراف، مۋزىكا زەرتتەۋشى، ارحەولوگ، ەتنوگراف شوقان شىڭعىس ۇلى ءۋاليحانوۆتىڭ 190 جىلدىعىنا وراي وتكەن. ءى ورىن – ىلە اۋدانى №40 ورتا مەكتەپتىڭ قازاق ءتىلى مەن ادەبيەتى ءپانى ءمۇعالىمى تورعىن اۋرەنبايەۆادا.
ال «ءومىر – ونەر، ونەر – ولشەم...» سايىسى قازاقتىڭ تۇڭعىش رومانىنىڭ اۆتورى، اقىن، پۋبليسيست، مادەنيەت جانە قوعام قايراتكەرى ءمىرجاقىپ دۋلاتوۆتىڭ 140 جىلدىعىنا ارنالعان بولاتىن. جۇلدەلى ءى ورىن №206 مەكتەپ-گيمنازيانىڭ قازاق ءتىلى مەن ادەبيەتى ءپانى ءمۇعالىمى مەرەي ساپارباي يەلەنىپ، مەرەيى ۇستەم بولدى.
ەكىنشى، ءۇشىنشى ورىن العان ۇستازدار دا باعالى سىيلىقتارمەن ماراپاتتالدى.